തിരുവനന്തപുരം: സംസ്ഥാനത്ത് തിങ്കളാഴ്ച ഹര്ത്താല് പ്രഖ്യാപിച്ച സാഹചര്യത്തില് ജനങ്ങള്ക്ക് എല്ലാവിധ സംരക്ഷണവും നല്കുമെന്ന് മുഖ്യമന്ത്രി പിണറായി വിജയന് .
ഇതുസംബന്ധിച്ച നിര്ദേശം സംസ്ഥാന പൊലീസ് മേധാവിക്ക് നല്കിയിട്ടുണ്ട്.
വാഹന ഗതാഗതം തടസ്സപ്പെടുത്തുകയോ നിര്ബന്ധിച്ച് കടകള് അടപ്പിക്കുകയോ ജോലിക്കെത്തുന്നവരെ ഭീഷണിപ്പെടുത്തുകയോ തടയുകയോ ചെയ്യുന്നവര്ക്കെതിരെ കര്ശന നടപടി എടുക്കും.
കെഎസ്ആര്ടിസി വാഹനങ്ങള്ക്കും സ്വകാര്യവാഹനങ്ങള്ക്കും ആവശ്യമായ സംരക്ഷണം നല്കും. പൊലീസ് പട്രോളിങ് ശക്തമാക്കും. ഓഫീസുകള്, പൊതുസ്ഥാപനങ്ങള്, കോടതികള് തുടങ്ങിയവ സുഗമമായി പ്രവര്ത്തിക്കുന്നതിന് പൊലീസ് സംരക്ഷണം ഉണ്ടാകും.
അതിക്രമം നടത്തുന്നവര്ക്കെതിരെ ശക്തമായ നടപടി എടുക്കുമെന്നും മുഖ്യമന്ത്രി ഫെയ്സ്ബുക്ക് പോസ്റ്റില് പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here