ജെയ്പുർ: കേന്ദ്ര ആഭ്യന്തര മന്ത്രി രാജ്നാഥ് സിങ്ങിന്റെ സന്ദർശന ദിവസം കേന്ദ്രമന്ത്രിക്ക് ഗാർഡ് ഒാഫ് ഒാണർ നൽകേണ്ടവരുൾപ്പെടെയുള്ള പൊലീസുകാർ അവധിയെടുത്ത് പ്രതിഷേധിച്ചത്. രാജസ്ഥാനിലെ ജോധ്പുരിലാണ് സംഭവം.
250ലധികം പോലീസുകാരാണ് ഒരു ദിവസത്തേക്ക് അവധിയെടുത്തത്. ശമ്പള സ്കെയിൽ കുറക്കുമെന്ന പ്രചാരണത്തെ തുടർന്നായിരുന്നു പ്രതിഷേധം. ഇൻറലിജൻസ് ബ്യൂറോയുടെ പ്രാദേശിക പരിശീലന കേന്ദ്രം ഉദ്ഘാടനം ചെയ്യാനായിരുന്നു കേന്ദ്രമന്ത്രിയുടെ ഹ്രസ്വ സന്ദർശനം.
അച്ചടക്കനടപടി
അവധി അനുവദിക്കാത്ത സാഹചര്യത്തിൽ ഡ്യൂട്ടിയിൽനിന്ന് വിട്ടുനിന്നവർക്കെതിരെ അച്ചടക്കനടപടി സ്വീകരിക്കുമെന്ന് ജോധ്പുർ എസ്.പി അശോക് റാത്തോഡ് അറിയിച്ചു.
സേനാംഗങ്ങൾ അപ്രതീക്ഷിതമായി അവധിയിൽ പോയതിനാൽ ഗാർഡ് ഒാഫ് ഒാണറിന് അവസാന നിമിഷം പകരക്കാരെ നിയോഗിക്കേണ്ടിവന്നെന്നും അദ്ദേഹം പറഞ്ഞു. കഴിഞ്ഞദിവസം ജോധ്പുർ പൊലീസ് കമീഷണറേറ്റ് സന്ദർശിച്ച എ.ഡി.ജി.പി എം.എൽ. ലത്താറിനും ഗാർഡ് ഒാഫ് ഒാണർ നൽകാൻ പൊലീസുകാർ തയാറായില്ല.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here