കാത്തിരിപ്പിനും വിരാമമിട്ട് കാളിദാസന് ജയറാം ആദ്യമായി നായകനായി എത്തുന്ന പൂമരം ഡിസംബറില് തിയറ്ററില് എത്തും.
എബ്രിഡ് ഷൈന് സംവിധാനം നിര്വഹിക്കുന്ന ചിത്രം കഴിഞ്ഞ ഫെബ്രുവരിയില് റിലീസ് ചെയ്യുമെന്നായിരുന്നു ആദ്യം പുറത്തുവന്ന വാര്ത്ത. എന്നാല് റിലീസ് നീളുകയായിരുന്നു.
ചിത്രത്തിന്റെ പേരില് നിരവധി ട്രോളുകളാണ് സമൂഹ മാധ്യമങ്ങളില് പ്രചരിച്ചിരുന്നത്. ചിത്രം ഉപേക്ഷിച്ചെന്നു വാര്ത്ത പോലും വന്നു.
കാളിദാസ് ജയറാം നായകനാകുന്ന ആദ്യ മലയാള ചിത്രമാണ് പൂമരം. ചിത്രത്തിലെ രണ്ട് ഗാനങ്ങളും ഇതിനോടകം ഹിറ്റായിക്കഴിഞ്ഞു.
ക്രിസ്മസ് റിലീസായി ചിത്രം തിയറ്ററിലെത്തിക്കാനാണ് അണിയറപ്രവര്ത്തകര് ശ്രമിക്കുന്നതെന്നാണ് സൂചന.
കാളിദാസിന് പുറമെ കുഞ്ചാക്കോ ബോബന്, മീര ജാസ്മിന്, ഗായത്രി സുരേഷ് എന്നിവരും വേഷമിടുന്നതായാണ് സൂചന.
ഡോ പോള് വര്ഗീസും എബ്രിഡ് ഷൈനും ചേര്ന്നാണ് ചിത്രം നിര്മ്മിക്കുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here