ദില്ലി: പൂനെയില് രണ്ടു വയസുകാരിയെ തട്ടിക്കൊണ്ടുപോയി പീഡിപ്പിച്ചു കൊന്നു. പെണ്കുഞ്ഞിന്റെ വീടിന് അരകിലോമീറ്റര് അകലെയാണ് മൃതദേഹം കണ്ടെത്തിയത്.
ഈ മാസം 21നാണ് കേസിനാസ്പദമായ സംഭവം.
പെണ്കുട്ടിയുടെ സിന്ഹ്ഗഡ് റോഡിലെ വീട്ടിലേക്ക് അതിക്രമിച്ചു കയറിയ അജ്ഞാതനാണ് കുട്ടിയെ തട്ടിക്കൊണ്ടു പോയത്. ഉറക്കത്തിലായിരുന്നു മാതാപിതാക്കള് സംഭവം അറിഞ്ഞില്ല. ഉറക്കമുണര്ന്ന് നോക്കിയപ്പോള് കുഞ്ഞിനെ കാണാനില്ലായിരുന്നു.
തുടര്ന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്. കുട്ടിയെ ലൈംഗികമായി പീഡിപ്പിച്ച ശേഷം കഴുത്ത് ഞെരിച്ച് കൊന്നതാണെന്ന് പൊലീസ് പറഞ്ഞു.
സംഭവവുമായി ബന്ധപ്പെട്ട് ആരെയും ഇതുവരെ അറസ്റ്റ് ചെയ്തിട്ടില്ല. പ്രതിക്ക് വേണ്ടിയുള്ള അന്വേഷണം തുടരുകയാണെന്ന് പൊലീസ് അറിയിച്ചു. പോക്സോ നിയമപ്രകാരം തട്ടിക്കൊണ്ടു പോകല്, പീഡനം, കൊലപാതകം തുടങ്ങിയ കുറ്റങ്ങള് ചുമത്തിയാണ് എഫ്ഐആര് റജിസ്റ്റര് ചെയ്തിരിക്കുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here