ബോളിവുഡ് താരവും മലയാളിയുമായ അസിന് പെണ്കുഞ്ഞ് പിറന്നു. ചൊവ്വാഴ്ച രാത്രിയായിരുന്നു അസിന് കുഞ്ഞിന് ജന്മം നല്കിയത്. അസിന് തന്നെയാണ് ഇന്സ്റ്റഗ്രാമിലൂടെ വിവരം അറിയിച്ചത്.
കഴിഞ്ഞ ജനവരിയില് മൈക്രോമാക്സ് സഹസ്ഥാപകനായ രാഹുല് ശര്മയുമായുള്ള അസിന്റെ വിവാഹം വലിയ ആഘോഷമായാണ് നടന്നത്. ഏറെ നാളത്തെ പ്രണയത്തിന് ശേഷമാണ് ഇരുവരും വിവാഹിതരായത്.
മലയാളത്തില് സത്യന് അന്തിക്കാട് സംവിധാനം ചെയ്ത നരേന്ദ്രന് മകന് ജയകാന്തന് വകയാണ് അസിന്റെ ആദ്യ ചിത്രം. തമിഴിലും തെലുങ്കിലും താര റാണിയായിരുന്ന അസിന്റെ ആദ്യ ബോളിവുഡ് ചിത്രം ആമിര് ഖാന് നായകനായ ഗജിനിയാണ്. നിരവധി സൂപ്പര് താരങ്ങളുടെ നായികയായി അഭിനയിച്ചിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here