മലയാള സിനിമാ ലേകം പ്രതീക്ഷയോടെ കാത്തിരിക്കുന്ന മോഹന്‍ലാല്‍ ചിത്രം ഒടിയന്റെ ചിത്രീകരണം പുരോഗമിക്കുകയാണ്.
കഥാപാത്രമായി മാറുവാന്‍ കഠിനമായി പരിശീലനമാണ് താരം നടത്തുന്നത്. ഇതിന്റെ ഭാഗമായി മോഹന്‍ ലാലിന് ശാരീരിക തയ്യാറെടുപ്പിന് പരിശീലനം നല്‍കുന്നത് ഫ്രഞ്ച് വിദഗ്ധരാണെന്ന് സംവിധായകന്‍ വി.എ.ശ്രീകുമാര്‍ പറയുന്നു.
15കിലോ ഭാരം കുറച്ച് കാഴ്ചയില്‍ ചെറുപ്പം തോന്നിക്കുന്ന ലുക്കിനായി തയ്യാറെടുപ്പിലാണ് മോഹന്‍ലാല്‍. മെയ്ക്ക് ഓവറിനായി ഹോളിവുഡ് താരങ്ങള്‍ക്ക് പരിശീലനം നല്‍കുന്ന ഫ്രഞ്ച് വിദഗ്ധരാണ് മോഹന്‍ലാലിനെ പരിശീലിപ്പിക്കാന്‍ എത്തിയിരിക്കുന്നത.
ക്ലീന്‍ ഷെയ് വ് ചെയ്ത് കാതില്‍ കടുക്കനിട്ട്, മുടി പിറകിലേക്ക് ചീകിവച്ച്, വെറ്റില്ലയില്‍ ചുണ്ണാമ്പ് തേക്കുന്ന മട്ടിലുളള മോഷന്‍ പോസ്റ്റര്‍തന്നെ ആരാധകരെ ആവേശം കൊള്ളിച്ചിരുന്നു. ജൂലൈ മുതല്‍ മോഹന്‍ലാല്‍ ശാരീരിക തയ്യാറെടുപ്പുകള്‍ തുടങ്ങിയെന്ന് വാര്‍ത്തകള്‍ വന്നിരുന്നു.
ദേശീയ അവാര്‍ഡ് നേടിയ തിരക്കഥാകൃത്തും പത്രപ്രവര്‍ത്തകനുമായ ഹരികൃഷ്ണന്റേതാണ് ഒടിയന്റെ രചന. മഞ്ജു വാര്യരാണ് നായിക.
കരുത്തുറ്റ പ്രതിനായകനായി പ്രകാശ് രാജും എത്തുന്നു. സാബു സിറിളാണ് പ്രൊഡക്ഷന്‍ ഡിസൈന്‍. ആക്ഷന്‍ കൊറിയോഗ്രഫി നിര്‍വഹിക്കുന്നത് പീറ്റര്‍ ഹെയ്ന്‍ ആണ്.
പുലിമുരുകന്റെ ഛായാഗ്രാഹകന്‍ ഷാജികുമാറാണ് ഒടിയന്റെ ക്യാമറക്ക് പിന്നില്‍.
Laletan is now on intense, high octane physical training with a team of trainers, masseurs, yoga masters & dermatologists from France.
— shrikumar menon (@VA_Shrikumar) October 27, 2017
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
