ഇത് കേരളത്തിന് അഭിമാന നിമിഷം; ടൂറിസo മേഖലയിലെ മുന്നേറ്റത്തിന് ലോക അംഗീകാരം

ലണ്ടൻ: ടൂറിസo മേഖലയിലെ കേരളത്തിന്‍റെ മുന്നേറ്റത്തിന് ലോക അംഗീകാരം. ടൂറിസം രംഗത്തെ ലോകത്തെ ഏറ്റവും പ്രധാന അവാര്‍ഡ് വേൾഡ് ട്രാവൽ മാർക്കറ്റ് അവാർഡിലെ ലോകത്തെ ഏറ്റവും മികച്ച ഉത്തരവാദിത്ത ടൂറിസം പദ്ധതിക്കുള്ള അവാർഡ് കേരളത്തിലെ കുമരകം ഉത്തരവാദിത്ത ടൂറിസം പദ്ധതിക്കാണ് ലഭിച്ചത്.

ലണ്ടനിൽ നടക്കുന്ന ലോക ട്രാവൽ മാർക്കറ്റിൽ കുമരകം ഉത്തരവാദിത്ത ടൂറിസം ഹൈലി കെയർഡ് ആർടി അവാർഡ് കരസ്ഥമാക്കി. ബഹുമാനപ്പെട്ട സംസ്ഥാന ടൂറിസം മന്ത്രി കടകംപള്ളി സുരേന്ദ്രൻ പുരസ്കാരം ഏറ്റുവാങ്ങി.

ബഹുമാനപ്പെട്ട ടൂറിസം പ്രിന്‍സിപ്പല്‍ സെക്രട്ടറി ഡോ. വേണു. വി ഐ‌എഎസ്, ടൂറിസം ഡയറക്ടര്‍ പി. ബാലകിരണ്‍ ഐഎഎസ്എന്നിവരും മന്ത്രിക്കൊപ്പമുണ്ടായിരുന്നു.

സംസ്ഥാനത്തെ ഉത്തരവാദിത്വ ടൂറിസം കൂടുതൽ മികച്ചതാക്കാൻ സംസ്ഥാന സർക്കാർ രൂപീകരിച്ച ഉത്തരവാദിത്വ ടൂറിസം മിഷന്റെ ഔദ്യോഗിക ഉദ്ഘാടനം കഴിഞ്ഞ മാസം ബഹുമാനപ്പെട്ട മുഖ്യമന്ത്രി പിണറായി വിജയൻ ഉദ്ഘാടനം ചെയ്തിരുന്നു.

രാജ്യത്തെ മികച്ച ഉത്തരവാദിത്ത ടൂറിസം പദ്ധതിക്കുള്ള ദേശീയ അവാര്‍ഡ് കുമരകത്തെ ഉത്തരവാദിത്ത ടൂറിസം പദ്ധതിക്കു ലഭിച്ചതിന് പിന്നാലെയാണ് ലോക അംഗീകാരവും കേരളത്തെ തേടിയെത്തിയത്.

ലോക ട്രാവല്‍ മാര്‍ട്ട് അവാര്‍ഡ് കൂടി ലഭിച്ചതോടെ ലോക ടൂറിസം രംഗത്തെ മിക്കവാറും അവാര്‍ഡുകളെല്ലാം ലഭിച്ച പദ്ധതിയായി കുമരകം ഉത്തരവാദിത്ത ടൂറിസം പദ്ധതി മാറി.

ടൂറിസം പ്രവര്‍ത്തനങ്ങളെ ജനകീയവല്‍കരിക്കുവാനുള്ള സംസ്ഥാന സര്‍ക്കാരിന്റെ പ്രവര്‍ത്തനങ്ങള്‍ക്ക് ലോക ട്രാവല്‍ മാര്‍ട്ട് അവാര്‍ഡ് പ്രചോദനമാണെന്ന് അവാർഡ് ഏറ്റുവാങ്ങി കൊണ്ട് ബഹുമാനപ്പെട്ട ടൂറിസംവകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു.

ഉത്തരവാദിത്ത ടൂറിസം അജൻഡയെ നിയന്ത്രിക്കാൻ സുസ്ഥിര രീതികളും നൈതിക രീതികളും പങ്കുവെക്കുക, എന്ന ആശയത്തിലായിരുന്നു ആഗോള ടൂറിസം കേന്ദ്രമായ “ഉത്തരവാദിത്ത ടൂറിസം മിഷൻ” എന്ന വിജയത്തെ ഉയർത്തിക്കാട്ടുന്നതിനായി മൂന്നുദിവസം നീണ്ട വേൾഡ് ട്രാവൽ മാർക്കറ്റ് ലണ്ടൻ 2017 സംഘടിപ്പിച്ചത്.

ടൂറിസം, ടൂറിസ്റ്റ് ബീച്ചുകൾ, ഹിൽസ്റ്റേഷനുകൾ, ടൂറിസ്റ്റ് ബീച്ച്, ഹിൽ സ്റ്റേഷനുകൾ തുടങ്ങിയവ ഉൾപ്പെടെ കേരളത്തിന്റെ മികച്ച വിപണന ഉത്പന്നങ്ങൾ പ്രദർശിപ്പിച്ച് കേരള ടൂറിസം മാർക്കറ്റിൽ ശ്രദ്ധേയമായി.

കേരളത്തിലെ തടാകങ്ങൾ, ഹൗസ് ബോട്ടുകൾ, ആയുർവേദ ചികിത്സകൾ തുടങ്ങി. കേരള ടൂറിസം ഡെവലപ്മെന്റ് കോർപ്പറേഷൻ (കെടിഡിസി) – ആയൂർ ബോധവരെയുള്ള നേട്ടങ്ങൾ മാർക്കറ്റിൽ ശ്രദ്ധേയമായി.

വേൾഡ് ട്രാവൽ മാർക്കറ്റിൽ കേരളത്തിന്റെ ഉത്തരവാദിത്ത ടൂറിസം മിഷൻ എന്ന പേരിൽ ഒരു പ്രത്യേക സെഷൻ സംഘടിപ്പിച്ചു. ബഹുമാനപ്പെട്ട ടൂറിസം സെക്രട്ടറി ഡോ.വേണു. വി ഐ എ എസ് പദ്ധതി അവതരിപ്പിച്ചു.

വേൾഡ് ട്രാവൽ മാർക്കറ്റിലെ കേരള പവിലിയൻ ഉദ്ഘാടനം ചെയ്ത ബഹുമാനപ്പെട്ട ടൂറിസം മന്ത്രി കടകംപള്ളി സുരേന്ദ്രൻ ബ്രോഷർ പ്രകാശനവും നിർവഹിച്ചു.

കേരള ടൂറിസം പവലിയനു ലഭിച്ച വലിയ പ്രതികരണം ലോക ടൂറിസം ഭൂപടത്തിൽ കേരളത്തിന്റെ സ്വകാര്യതയെയാണ് വിളിച്ചോതിയത്. കേരളത്തിന്റെ വിനോദസഞ്ചാരം ഏറ്റവും പ്രധാനപ്പെട്ട മേഖലകളിൽ ഒന്നാണ്.

വിദേശ വിനോദസഞ്ചാരികളെ ഇത്തരം അഭിമാനകരമായ പരിപാടികളിലൂടെ പരിചയപ്പെടുത്തുന്നതിന് സംസ്ഥാനത്തിന്റെ സാധ്യതകളെ കൂടുതൽ വികസിപ്പിക്കാൻ ഈ മാർക്കറ്റിലൂടെ കേരള ടൂറിസത്തിന് കഴിഞ്ഞിട്ടുണ്ട്

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here