ശബരിമലയില് അയ്യപ്പന്റെ ഉറക്കുപാട്ടായ ഹരിവരാസനം കീര്ത്തനത്തില് നിലവിലുള്ള തെറ്റുകള് തിരുത്തി മകരവിളക്കിന് മുമ്പ് യേശുദാസിനെക്കൊണ്ട് വീണ്ടും പാടിക്കാൻ ശ്രമിക്കുമെന്ന് തിരുവിതാംകൂര് ദേവസ്വം ബോര്ഡ് പ്രസിഡന്റ് എ പത്മകുമാര്.
വര്ഷങ്ങള്ക്ക് മുമ്പ് ചിട്ടപ്പെടുത്തിയ പാട്ടില് രണ്ട് മാറ്റങ്ങള് വരുത്തി പുനക്രമീകരിക്കുന്ന കാര്യം അടുത്ത ദിവസം തന്നെ യേശുദാസുമായി ചർച്ച ചെയ്യുമെന്നും പദ്മകുമാർ വ്യക്തമാക്കി.
ഹരിവരാസനം കീർത്തനം പാടിയതിൽ രണ്ടിടത്ത് പിഴവ് സംഭവിച്ചതായി നേരത്തെ യേശുദാസ് തന്നെ വ്യക്തമാക്കിയിട്ടുണ്ട്. കീർത്തനത്തിലെ സ്വാമി എന്ന പദം ഒഴിവാക്കിയും അരിവി മർദനം എന്ന പദം അരുവി മർദനം എന്ന നിലയിലുമാണ് ആലാപനത്തിന്റെ ട്യൂണിനു വേണ്ടി പാടിയത്.
കോന്നകത്ത് ജാനകിയമ്മ രചിച്ച ഹരിവരാസനത്തിലെ പിഴവുകള് യേശുദാസിനെ ബോധ്യപ്പെടുത്താന് സാധിച്ചെന്ന് എ പത്മകുമാര് പറഞ്ഞു.
കോന്നകത്ത് ജാനകിയമ്മയുടെ കൊച്ചുമക്കളിൽ ഒരാൾ കൂടെയായ എ.പദ്മകുമാറും മറ്റ് ബന്ധുക്കളും ചേർന്ന് ഹരിവരാസനം ട്രസ്റ്റ് രൂപീകരിച്ചിട്ടുണ്ടെന്നും ഈ ട്രസ്റ്റാണ് കീർത്തനത്തിലെ തെറ്റ് തിരുത്തുന്ന കാര്യം യേശുദസുമായി ചർച്ച ചെയ്യുന്നതെന്നും പദ്മകുമാർ പറഞ്ഞു.
ഇതു യാഥാർഥ്യമായാൽ പഴയ പാട്ട് മാറ്റി സംശുദ്ധമായ കീർത്തനം തന്നെ ശബരിമലയിൽ പ്രാബല്യത്തിലാക്കുമെന്നും
കീര്ത്തനത്തിന് ലഭിച്ച സ്വീകാര്യതയെ തുടര്ന്ന് ശബരിമലയില് നടയടയ്ക്കുമ്പോള് ഉറക്കുപാട്ടായി ഇത് ഉൾപ്പെടുത്തുകയായിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here