കൊച്ചി: കൊച്ചിയില് നടി ആക്രമിക്കപ്പെട്ട കേസില് അനുബന്ധ കുറ്റപത്രം അല്പ്പസമയത്തിനകം സമര്പ്പിക്കും. 650 അധികം പേജുകളുള്ള കുറ്റപത്രത്തില് മുന്നൂറിലധികം സാക്ഷികളും 450 ല് അധികം രേഖകളും പൊലീസ് ഉള്പ്പെടുത്തിയിട്ടുണ്ട്.
അന്വേഷണ ഉദ്യോഗസ്ഥന് പെരുമ്പാവൂര് സി.ഐ ബൈജു പൗലോസാണ് അങ്കമാലി കോടതിയില് കുറ്റപത്രം സമര്പ്പിക്കുക. ഏഴു പേരെ പ്രതികളാക്കി ആക്രമണക്കേസിലെ കുറ്റപത്രം നേരത്തെ സമര്പ്പിച്ചതിനാല് അനുബന്ധ കുറ്റപത്രമായാണ് അടുത്തത് നല്കുന്നത്.
അക്രമണത്തില് നേരിട്ട് പങ്കെടുത്തവരാണ് ഒന്നു മുതല് ഏഴു വരെയുള്ള പ്രതികള്. കേസിലെ 12 പ്രതികളില് ദിലീപ് എട്ടാം പ്രതിയാണ്. ജയിലില് നിന്നും സുനിക്ക് കത്തെഴുതി നല്കിയ വിപിന് ലാലും ദിലീപിനെ ഫോണ് വിളിക്കാന് സഹായിച്ച എആര് ക്യാമ്പിലെ പോലീസുകാരന് അനീഷും മാപ്പു സാക്ഷികളാകും. നടി മഞ്ജു വാര്യരും സാക്ഷിയാകും.
പള്സര് സുനിക്ക് ജയിലില് ഫോണ് എത്തിച്ച് നല്കിയ മേസ്തിരി സുനില് (9 ാം പ്രതി) സുനിയുടെ കത്ത് ദിലീപിന്റെ മാനേജര് അപ്പുണ്ണിക്ക് എത്തിച്ച് നല്കിയ വിഷ്ണു (10ാം പ്രതി). തെളിവ് നശിപ്പിക്കാന് ശ്രമിച്ച അഡ്വ. പ്രതീഷ് ചാക്കോ 11 ാം പ്രതി, അഡ്വ രാജു ജോസഫ് (12 ാം പ്രതി) എന്നിവരാണ് രണ്ടാം കുറ്റപത്രത്തിലെ മറ്റ് പ്രതികള്.
കൂട്ടബലാത്സംഗം അടക്കം 17 വകുപ്പുകളാണ് ദിലീപിന് മേല് ചുമത്തിയിട്ടുളളത്.നടി ആക്രമിക്കപ്പെട്ട കേസില് ജാമ്യത്തിലിറങ്ങിയ ദിലീപ് സാക്ഷികളെ സ്വാധീനിക്കാന് ശ്രമിച്ചുവെന്ന്് അന്വേഷണസംഘത്തിന്റെ കണ്ടെത്തലുകള് ഉണ്ട്.
ലക്ഷ്യയിലെ ജീവനക്കാരന് മൊഴി മാറ്റിയതും കേസിലെ ഏഴാം പ്രതി ചാര്ളിയുടെ രഹസ്യമൊഴി നീക്കം തടഞ്ഞതും ദിലീപിന്റെ ഇടപെടല് മൂലമെന്നും പൊലീസ് കണ്ടെത്തിയിട്ടുണ്ട്.
ഇതേത്തുടര്ന്ന് ദിലീപിന്റെ ജാമ്യം റദ്ദാക്കണമെന്ന് ആവശ്യപ്പെട്ട് സര്ക്കാര് കോടതിയെ സമീപിക്കാന് ഒരുങ്ങുകയാണെന്നാണ് പുതിയ റിപ്പോര്ട്ടുകള് സൂചിപ്പിക്കുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here