തിരുവനന്തപുരം; സംസ്ഥാനത്ത് കെട്ടിടങ്ങള് ക്രമവല്ക്കരിക്കുന്നതിന് കേരള പഞ്ചായത്ത് രാജ് നിയമത്തിലും കേരള മുനിസിപ്പാലിറ്റി നിയമത്തിലും ഭേദഗതി വരുത്തുന്നതിന് പ്രത്യേകം ഓര്ഡിനന്സുകള് പുറപ്പെടുവിക്കാന് മന്ത്രിസഭാ യോഗ തീരുമാനം. ഇത് സംബന്ധിച്ച് ഗവര്ണറോട് ശുപാര്ശ ചെയ്യും.
കെട്ടിടങ്ങളുടെ സുരക്ഷ, ഉറപ്പ് എന്നിവയില് വിട്ടുവീഴ്ചയില്ലാതെ കോമ്പൗണ്ടിങ് ഫീസ് ഈടാക്കിയാകും ക്രമവല്ക്കരിക്കുക. 2017 ജൂലൈ 31നോ അതിനു മുമ്പോ നിര്മിച്ച അനധികൃത കെട്ടിടങ്ങള് ക്രമവല്ക്കരിക്കുന്നതിനാണ് നിയമ ഭേദഗതി കൊണ്ടുവരുന്നത്.
കെട്ടിടങ്ങളുടെ കൂട്ടിച്ചേര്ക്കലുകള് പുനഃരുദ്ധാരണം എന്നിവയും ക്രമവല്ക്കരണ പരിധിയില് കൊണ്ടുവരും.
അനധികൃത കെട്ടിടങ്ങള് ക്രമവല്ക്കരിക്കുന്നതിനുളള അധികാരം പഞ്ചായത്തിലാണെങ്കില് ജില്ലാ ടൗണ്പ്ലാനര്, ഡെപ്യൂട്ടി ഡയറക്ടര്, ബന്ധപ്പെട്ട തദ്ദേശസ്വയംഭരണ സ്ഥാപന സെക്രട്ടറി എന്നിവര് ഉള്പ്പെടുന്ന സമിതിക്കായിരിക്കും ചുമതല.
നഗരങ്ങളിലാണെങ്കില് ഇതിനുളള അധികാരം ജില്ലാ ടൗണ് പ്ലാനര്, റീജിണല് ജോയിന്റ് ഡയറക്റ്റര് ബന്ധപ്പെട്ട തദ്ദേശസ്വയംഭരണ സെക്രട്ടറി എന്നിവര് ഉള്പ്പെട്ട സമിതിക്കായിരിക്കും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here