മഴ മാറിയതോടെ ശബരിമല സന്നിധാനത്ത് തിരക്ക് വര്‍ധിച്ചു. സംസ്ഥാനത്തെ പ്രത്യേക സാഹചര്യം കണക്കിലെടുത്ത് ഡിസംബര്‍ ഏഴുവരെ ശബരിമല, പമ്പ, നിലക്കല്‍ എന്നിവിടങ്ങളിലെ സുരക്ഷ വര്‍ദ്ധിപ്പിക്കാന്‍ പൊലീസ് തീരുമാനിച്ചിട്ടുണ്ട്.
ശബരിമലയില്‍ തിരക്ക് വര്‍ധിക്കുന്നത് പരിഗണിച്ച് സുരക്ഷ വര്‍ദ്ധിപ്പിക്കുന്നതിനോടൊപ്പം എല്ലാ വര്‍ഷത്തേയുംപോലെ ഇത്തവണയും ഡിസംബര്‍ ആറിന് സന്നിധാനത്ത് കനത്ത സുരക്ഷയാണ് ഒരുക്കുന്നത്. പോലീസിന്റെ തണ്ടര്‍ ബോള്‍ട്ട് ഉള്‍പ്പടെ കൂടുതല്‍ കമാന്റോകളെ ശബരിമല സന്നിധാനത്തും പമ്പയിലും നിയോഗിക്കും.
ഇതരസംസ്ഥാനത്തങ്ങളില്‍ നിന്നുംകൂടുതല്‍ പോലീസുകാരും സന്നിധാനത്ത് എത്തുന്നുണ്ട്. പാര്‍ക്കിങ് ഗ്രൗണ്ടുകളിലും സുരക്ഷശക്തമാക്കും തിരിച്ചറിയല്‍ കാര്‍ഡുകള്‍ ഇല്ലാത്തവരെ സന്നിധാനത്ത് തങ്ങാന്‍ അനുവദിക്കില്ല. കരസേനയുടെയും വായുസേനയുടെയും ഹെലികോപ്ടര്‍ സംവിധാനം ഉപയോഗിച്ച് വനമേഖലകളിലും നിരിക്ഷണം നടത്തും.
മഴ കുറഞ്ഞോടെ തീര്‍ഥാടര്‍ക്ക് പ്രത്യേക ജാഗ്രത നിര്‍ദ്ദേശങ്ങള്‍ ഒന്നും തന്നെ ഇപ്പോഴില്ല. പ്രധാന ഇടതാവളങ്ങളായ ഏരുമേലി നിലക്കല്‍ എന്നിവിടങ്ങളിലും തിരക്ക് വര്‍ധിച്ചിട്ടുണ്ട്. തീര്‍ഥാടകര്‍ക്ക് ബുദ്ധിമുട്ട് ഉണ്ടാകാത്ത തരത്തിലായിരിക്കും സുരക്ഷശക്തമാക്കുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
