ഒടുവില്‍ ശ്രുതി ഹാസന് സ്വപ്‌നസാഫല്യം; കാമുകനെ വിവാഹം കഴിക്കാന്‍ കമലിന്റെ അനുവാദം

ഉലകനായകന്‍ കമല്‍ഹാസന്റെ മകള്‍ എന്ന ലേബലോടെയാണ് ശ്രുതി വെള്ളിത്തിരയിലെത്തിയത്. എന്നാല്‍ ഇന്ന് സ്വന്തം നിലയില്‍ ദക്ഷിണേന്ത്യയിലെ ഏറ്റവും മികച്ച താരറാണി എന്ന വിശേഷണം സ്വന്തമാക്കിക്കഴിഞ്ഞു.

സിനിമാ ജീവിതത്തിനിടയില്‍ നിരവധി ഗ്ലോസിപ്പുകളും താരപുത്രിയെ തേടിയെത്തിയിട്ടുണ്ട്. മിഖായേല്‍ കോര്‍സലെന്ന യുവാവുമായി പ്രണയത്തിലാണെന്ന വാര്‍ത്തകള്‍ക്കും പഞ്ഞമുണ്ടായിരുന്നില്ല.

എന്നാല്‍ ഇപ്പോഴിതാ ശ്രുതി ഹാസന്‍ വിവാഹം കഴിക്കാന്‍ പോകുകയാണെന്ന റിപ്പോര്‍ട്ടുകളാണ് പുറത്തുവരുന്നത്. ലണ്ടന്‍ സ്വദേശിയായ കാമുകന്‍ മിഖായേലിനെ വിവാഹം കഴിക്കാന്‍ കുടുംബം സമ്മതിച്ചതായാണ് റിപ്പോര്‍ട്ടുകള്‍.

തമിഴ് നടന്‍ ആദവ് കണ്ണദാസന്റെ വിവാഹത്തില്‍ ഇരുവരും പങ്കെടുക്കാനെത്തിയപ്പോഴുളള ഇരുവരുടേയും ചിത്രങ്ങള്‍ സോഷ്യല്‍മീഡിയയില്‍ തരംഗമായിരുന്നു.

വിവാഹ ദിനത്തില്‍ പാരമ്പര്യത്തനിമയുളള വസ്ത്രമണിഞ്ഞാണ് ഇരുവരും എത്തിയത്. കസവ് മുണ്ടും ഷര്‍ട്ടുമായിരുന്നു മിഖായേലിന്റെ വേഷം. ശ്രുതിയാവട്ടെ ചുവന്ന നിറത്തിലുളള സാരിയണിഞ്ഞാണ് എത്തിയത്. കമല്‍ഹാസനും വിവാഹത്തില്‍ പങ്കെടുത്തിരുന്നു.

കമലിന്റെ സമ്മതത്തോടെയാണ് ശ്രുതിയും മിഖായേലും ഒരുമിച്ച് വിവാഹറിസപ്ഷനെത്തിയതെന്നാണ് വാര്‍ത്തകള്‍. നേരത്തെ ഇരുവരും ശ്രുതിയുടെ അമ്മ സരികയെ കണ്ടിരുന്നു.

എന്തായാലും വിവാഹത്തെക്കുറിച്ചുള്ള കൂടുതല് വിവരങ്ങളൊന്നും ഇവര്‍ പുറത്തുവിട്ടിട്ടില്ല. കല്യാണം എപ്പോഴുണ്ടാകുമെന്നറിയാനുള്ള ആകാംഷയിലാണ് ആരാധകര്‍.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here
ksfe-diamond
bhima-jewel