തൃപ്പൂണിത്തുറയില്‍ വീട്ടുകാരെ കെട്ടിയിട്ട് വന്‍ കവര്‍ച്ച; അമ്പത് പവനിലധികം സ്വര്‍ണാഭരണങ്ങള്‍ കവര്‍ന്നു;ഗൃഹനാഥന്‍ പരിക്കേറ്റ് ആശുപത്രിയില്‍

എറണാകുളം: തൃപ്പൂണിത്തുറയിൽ  വീട്ടുകാരെ കെട്ടിയിട്ട് വൻകവർച്ച. അൻപതു പവനിലധികം സ്വർണാഭരണങ്ങളും, ഇരുപതിനായിരം രൂപയും, അഞ്ചു മൊബൈൽ ഫോണുകളുമാണ് കവർന്നത്. കമ്പി വടികൊണ്ട് തലയ്ക്കടിയേറ്റ ഗ്രഹനാഥൻ  നന്ദകുമാറിനെ പരിക്കുകളോടെ ആശുപത്രിയിൽ പ്രവേശിപ്പിച്ചു.

പുലർച്ചെ രണ്ടുമണിയോടെയായിരുന്നു കവർച്ചനടന്നത്. വീടിന്റെ മുൻഭാഗത്തെ  ജനൽ ചില്ലുകൾ തകർത്ത ശേഷം, ജനലഴി അറുത്തു മാറ്റിയാണ് സംഘം അകത്തുകടന്നത്. കവർച്ചയെ ചെറുക്കാൻ ശ്രമിച്ച ഗൃഹനാഥന്റെ തലയ്ക്ക് കമ്പികൊണ്ട് അടിച്ച് പരിക്കേൽപ്പിച്ചു . തുടർന്ന് വീട്ടിലുണ്ടായിരുന്ന മറ്റുള്ളവരെ കെട്ടിയിട്ട് നില വിളിക്കാതിരിക്കാൻ വായിൽ തുണി തിരുകി . തുടർന്ന് കവർച്ച നടത്തി സംഘം കടന്നു കളയുകയായിരുന്നു.