രാജസ്ഥാനില് പതിനാറുകാരന് ഓടിച്ച ബസ് നിയന്ത്രണം വിട്ട് നദിയിലേക്ക് വീണ് 32 പേര് മരിച്ചു. ഇരുപതോളം പേര്ക്ക് ഗുരുതര പരിക്കേറ്റു. സവായ് മധോപുര് ജില്ലയില് ദുബി പാലത്തില്നിന്നാണ് ബനാസ് നദിയിലേക്ക് ബസ് മറിഞ്ഞത്. കണ്ടക്ടറായിരുന്ന പതിനാറുകാരനാണ് ബസ് ഓടിച്ചതെന്ന് പൊലീസ് സ്ഥിരീകരിച്ചു.
ലാല്സോഥില്നിന്ന് സവായി മധോപുരിലേക്ക് അമ്പതിലേറെ യാത്രക്കാരുമായി പോയ സ്വകാര്യബസാണ് അപകടത്തില്പ്പെട്ടത്. ബസിലുണ്ടായിരുന്നവരില് ഏറെയും നദിയുടെ അക്കരെ പോകാനുള്ള യാത്രക്കാരായിരുന്നു.
കണ്ടക്ടറായ കുട്ടിയെ ഡ്രൈവറാക്കിയ ശേഷം ഡ്രൈവര് ബസില് ഉറങ്ങുകയായിരുന്നു. അമിതവേഗത്തെ തുടര്ന്ന് മുന്ചക്രം പൊട്ടിത്തെറിച്ചതോടെയാണ് നിയന്ത്രണം വിട്ടത്. നദിയില്നിന്ന് നൂറടിയോളം ഉയരമുള്ള പാലത്തിന്റെ കൈവരി തകര്ത്ത് ബസ് നദിയിലേക്ക് പതിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here