ചെന്നൈ: തന്റെ രാഷ്ട്രീയപ്രവേശനം സംബന്ധിച്ച തീരുമാനം ഡിസംബര് 31ന് പ്രഖ്യാപിക്കുമെന്ന് നടന് രജനികാന്ത്.
തന്റെ രാഷ്ട്രീയപ്രവേശനത്തില് ജനങ്ങളേക്കാള് താല്പര്യം, മാധ്യമങ്ങള്ക്കാണെന്നും അദ്ദേഹം പറഞ്ഞു. ചെന്നൈയില് ആരാധക സംഗമത്തില് സംസാരിക്കുകയായിരുന്നു അദ്ദേഹം.
I am not new to politics. I got delayed.Entering is equal to victory. I will announce a decision on December 31: Rajinikanth pic.twitter.com/0WsH67ZLeS
— ANI (@ANI) December 26, 2017
”രാഷ്ട്രീയത്തില് ഞാന് പുതിയ ആളല്ല. എന്നാല്, എന്റെ രാഷ്ട്രീയപ്രവേശനം വൈകുകയായിരുന്നു. ഒരാള്ക്ക് രാഷ്ട്രീയത്തെ കുറിച്ച് കാഴ്ചപ്പാട് ഉണ്ടാവണം. രാഷ്ട്രീയം എന്നാല് ജനങ്ങള്ക്ക് സേവനം ചെയ്യാനുള്ളതായിരിക്കണം. അതിനാല് തന്നെ രാഷ്ട്രീയത്തില് ഇറങ്ങുന്നതിന് മുന്പ് വ്യക്തമായ കാഴ്ചപ്പാട് ഉണ്ടാവണം.”- രജനീകാന്ത് പറഞ്ഞു.
”രാഷ്ട്രീയത്തില് ഇറങ്ങാന് ജാഗ്രതയും ഒപ്പം തന്ത്രവും ആവശ്യമാണ്. യുദ്ധഭൂമിയില് ഇറങ്ങിയാല് ജയിച്ചേ പറ്റൂ. ” -രജനീ പറഞ്ഞു.
ചെന്നൈ കോടമ്പാക്കത്തെ രാഘവേന്ദ്ര കല്യാണ മണ്ഡപത്തിലാണ് ആരാധക സംഗമം. ഡിസംബര് 31 വരെ സംഗമം തുടരും. ഒരു ദിവസം ആയിരം ആരാധകരെ കാണുന്ന തരത്തിലാണ് സംഗമം ക്രമീകരിച്ചിട്ടുള്ളത്.
ഈ വര്ഷം രണ്ടാമത്തെ തവണയാണ് രജനി ആരാധകരെ കാണുന്നത്. മെയ് മാസം നടത്തിയ സംഗമത്തില്, ദൈവം നിശ്ചയിച്ചാല് ഞാന് നാളെ തന്നെ രാഷ്ട്രീയത്തില് പ്രവേശിക്കുമെന്ന് അദ്ദേഹം പറഞ്ഞിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here