തിരുവനന്തപുരം: ചെങ്ങന്നൂര് എംഎല്എ കെ.കെ രാമചന്ദ്രന് നായരുടെ നിര്യാണത്തില് വി.എസ് അച്യുതാനന്ദന് അനുശോചനം രേഖപ്പെടുത്തി.
എംഎല്എ എന്ന നിലയില് മാത്രമല്ല, സിപിഐഎം നേതാവ് എന്ന നിലയിലും ചെങ്ങന്നൂര് താലൂക്കിലും ആലപ്പുഴയുടെ കിഴക്കന് പ്രദേശങ്ങളിലും തൊഴിലാളി ബഹുജന പ്രസ്ഥാനം കെട്ടിപ്പടുക്കുന്നതില് നിര്ണായക പങ്ക് വഹിച്ച നേതാവായിരുന്നു അദ്ദേഹം.
തികച്ചും സാധാരണക്കാരനായി എല്ലാ വിഭാഗം ജനങ്ങളുടെയും സ്റ്റേഹാദരങ്ങള് പിടിച്ചു പറ്റാന് അദ്ദേഹത്തിന് കഴിഞ്ഞിട്ടുണ്ട്. ആലപ്പുഴ ജില്ലയിലെ സിപിഐഎമ്മിനും ഇടതുപക്ഷ പ്രസ്ഥാനത്തിനും അദ്ദേഹത്തിന്റെ വിയോഗം വലിയ നഷ്ടമാണെന്നും വിഎസ് അനുശോചന സന്ദേശത്തില് പറഞ്ഞു.
നഷ്ടമായത് ഏറ്റവും അച്ചടക്കവും ചിട്ടയും ഉള്ള നിയമസഭാ സാമാജികനെ
കോഴിക്കോട്: കെ.കെ.രാമചന്ദ്രന് നായരുടെ നിര്യാണത്തില് സ്പീക്കര് ശ്രീരാമകൃഷ്ണന് അനുശോചനം രേഖപ്പെടുത്തി. നഷ്ടമായത് ഏറ്റവും അച്ചടക്കവും ചിട്ടയും ഉള്ള നിയമസഭാ സാമാജികനെയെന്ന് സ്പീക്കര് പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here