കോഴിക്കോട് മെഡിക്കല്‍ കോളേജില്‍ രോഗി തൂങ്ങിമരിച്ച നിലയില്‍. ചാലപ്പുറം സ്വദേശി സജീവ് കുമാറാണ് തൂങ്ങിമരിച്ചത്. സംഭവത്തില്‍ ആശുപത്രി അധികൃതര്‍ക്കെതിരെ ആരോപണവുമായി ബന്ധുക്കള്‍ രംഗത്തെത്തി.
ഈ മാസം 21നാണ് സജീവ് കുമാറിനെ ഇരു വൃക്കകളും തകരാറിലായി മെഡിക്കല്‍ കോളെജ് സൂപ്പര്‍ സ്പെഷ്യാലിറ്റി ആശുപത്രിയില്‍ പ്രവേശിപ്പിച്ചത്.ഇന്നലെ രാത്രി 11.30 ഓടെയാണ് സജീവിനെ ല്‍ആശുപത്രിയിലെ ശുചിമുറിയില്‍ തൂങ്ങിമരിച്ച നിലയില്‍ കണ്ടെത്തിയത്.
സംഭവത്തില്‍ ആശുപത്രി അധികൃതരുടെ ഭാഗത്ത് നിന്ന് വീഴ്ച്ച സംഭവിച്ചതായും ബന്ധുക്കള്‍ ആരോപിക്കുന്നു. അതേസമയം ഇന്നലെ മരണം നടന്നിട്ടും ഇന്ന് രാവിലെയാണ് പൊലീസ് ആശുപത്രിയില്‍ എത്തിയതെന്നും ബന്ധുക്കള്‍ ആരോപിച്ചു.വിഷയത്തില്‍ ബന്ധപ്പെട്ടവര്‍ക്ക് പരാതി നല്‍കാന്‍ ഒരുങ്ങുകയാണ് സജീവ് കുമാറിന്റെ ബന്ധുക്കള്‍.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
