അമേരിക്കന് പ്രസിഡന്റ് ഡൊണാള്ഡ് ട്രംപുമായി തനിക്ക് രഹസ്യ ബന്ധമില്ലെന്ന് യുഎന് പ്രതിനിധി നിക്കി ഹാലെ. ട്രംപുമായി നിക്കി ഹാലെക്ക് രഹസ്യ ബന്ധമുണ്ടെന്ന പ്രചാരണം നടക്കുന്ന സാഹചര്യത്തിലാണ് ഹാലെ വിശദീകരണവുമായി രംഗത്തു വന്നിരിക്കുന്നത്.
ട്രംപിനെക്കുറിച്ച് മൈക്കല് വൂള്ഫ് എഴുതിയ ഫിയര് ആന്ഡ് ഫ്യൂറി എന്ന പുസ്തകത്തിലാണ് ഈ പരാമര്ശം വന്നത്. ട്രംപിന്റെ ഭരണ നിര്വഹണ സംവിധാനത്തിലെ ഏറ്റവും കരുത്തുറ്റ വനിതയാണ് നിക്കി ഹാലെയെന്നും ട്രംപിന്റെ അനന്തരാവകാശിയായി അവര് സ്വയം അവരോധിക്കുകയാണ് നിക്കിയെന്നും പുസ്തകം പറയുന്നു.
ഒരഭിമുഖത്തിലാണ് പ്രസിഡന്റായ ട്രംപിനു ഒരു രഹസ്യ ബന്ധമുണ്ടെന്നും അതിനെക്കുറിച്ച് തന്റെ പുസ്തകത്തില് വെളിപ്പെടുത്തിയിട്ടുണ്ടെന്നും മൈക്കല് പറയുന്നത്. സംഭവം ഗോസിപ്പായതോടെയാണ് ഹാലെയുടെ പ്രതികരണം എത്തിയത്.
പോളിറ്റിക്കോയുടെ വുമണ് റൂള് പോഡ് കാസ്റ്റിന്റെ ഇന്റര്വ്യൂവിലാണ് ഹാലെ തനിക്കെതിരെയുണ്ടായ അപവാദ പ്രചരണത്തെക്കുറിച്ച് സംസാരിച്ചത്. ഇന്ത്യന് വംശജയാണ് നിക്കി ഹാലി. യു.എന് പ്രതിനിധിസ്ഥാനത്തേക്കുള്ള നിക്കിയുടെ നാമനിര്ദ്ദേശം യു.എസ് സെനറ്റ് അംഗീകരിച്ചുതോടെയാണ് ഇവര് ക്യാബിനറ്റ് റാങ്കിന് തുല്യമായ പദവിയില് എത്തിയത്.
ഐക്യരാഷ്ട്രസഭയെ പല വിഷയങ്ങളിലും അമേരിക്കയുടെ നാവായി നിക്കി മാറിയിരുന്നു. യു.എന് പ്രതിനിധി സ്ഥാനത്തേക്ക് പ്രസിഡന്റ് ട്രംപാണ് നിക്കിയെ നിര്ദേശിച്ചതും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here