കൊണ്ടോട്ടിയിലാണ് സംഭവം. തുറക്കല് കൊയപ്പ സൈതലവിയുടെ വീട്ടിലാണ് മോഷണശ്രമം നടന്നത്. മോഷണത്തിനിടെ വീട്ടുകാര് ഉണര്ന്നതോടെ ഓടിളക്കാനായി ഉപയോഗിച്ച കയറുപേക്ഷിച്ച് മോഷ്ടാക്കള് ഓടി രക്ഷപ്പെട്ടു.
ആ കയറില് പിടിച്ച് കയറി മോഷ്ടാക്കളെ വലയിലാക്കി പൊലീസ്. കൊണ്ടോട്ടിയില് കഴിഞ്ഞ ദിവസമാണ് സംഭവം. മോഷണ ശ്രമത്തിനിടെ വീട്ടുകാര് ഉണര്ന്നു ബഹളംവച്ചതോടെ കയര് ഉപേക്ഷിച്ച്, വാതില് തുറന്നു സംഘം രക്ഷപ്പെട്ടു.
സ്ഥലത്തെത്തിയ പൊലീസ് ഈ ‘കയര്’ വഴിയാണു മോഷ്ടാക്കളെ കണ്ടെത്തിയത്. കയറിന്റെ കവറും അതിലെ കംപ്യൂട്ടര് ബാര്കോഡും കണ്ടെത്തി. അതുവാങ്ങിയ കൊണ്ടോട്ടിയിലെ സ്ഥാപനത്തിലെത്തി സിസിടിവി ദൃശ്യങ്ങളും പരിശോധിച്ചതോടെ മണിക്കൂറുകള്ക്കുള്ളില് മോഷ്ടാക്കള് പിടിയിലായി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here