ബൈക്ക് യാത്രികരെ ഇടിച്ച ശേഷം നിര്ത്താതെ പോയ സിനിമാ നടി രഞ്ജിതയുടെ കാര് നാട്ടുകാര് പിന്തുടര്ന്ന് പിടിച്ചു. ശനിയാഴ്ച ഉച്ചകഴിഞ്ഞ് ബംഗളൂരു നിലമംഗല റോഡിലാണ് സംഭവം.
സ്വാമി നിത്യാനന്ദയുടെ പ്രധാന ശിഷ്യ കൂടിയായ രഞ്ജിത, കാറില് ആശ്രമത്തിലേക്ക് പോകും വഴിയാണ് ബൈക്ക് യാത്രികരെ ഇടിച്ചിടുന്നത്. തുടര്ന്ന് നിര്ത്താതെ പോയ കാറിനെ നാട്ടുകാര് പിന്തുടര്ന്ന് പിടികൂടുകയായിരുന്നു.
ശേഷമാണ് കാറിനുള്ളില് രഞ്ജിതയാണെന്ന് തിരിച്ചറിയുന്നത്. ഇതോടെ അക്രമാസക്തരായ നാട്ടുകാര് വാഹനത്തിന്റെ ചില്ലുകള് തല്ലിത്തകര്ത്തു. സ്ഥിതി വഷളായപ്പോള് മറ്റ് സന്യാസിമാരെത്തി താരത്തെ രക്ഷപ്പെടുത്തുകയായിരുന്നു. സംഭവത്തില് യാത്രക്കാരായ നാരായണ് ഡൗഡ, ലക്ഷികാന്ത് എന്നിവര്ക്ക് ഗുരുതരമായി പരുക്കേറ്റു.
സിനിമയില് നിന്ന് വിട്ടുനില്ക്കുന്ന രഞ്ജിത ഇപ്പോള് നിത്യാനന്ദ സ്വാമിയുടെ ബംഗളൂരു ആശ്രമത്തിലെ അന്തേവാസിയാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here