സൗബിന്‍ ഷാഹിര്‍ കേന്ദ്രകഥാപാത്രമായെത്തുന്ന സുഡാനി ഫ്രം നൈജീരിയയിലെ കുർറ ഗാനത്തിന്‍റെ വിഡിയോ പുറത്തിറങ്ങി . മായാനദിയിലെ പ്രണായാർദ്രമായ ഗാനങ്ങൾക്ക് ശേഷം ഷഹബാസ് അമനും റെക്സ് വിജയനും ചേര്‍ന്നൊരുക്കിയ ഗാനം മനം കവരുന്നതാണ്.
നവാഗതനായ സക്കരിയ കഥയും തിരക്കഥയും എഴുതി സംവിധാനം ചെയ്യുന്ന ചിത്രമാണ് സുഡാനി ഫ്രൈം നൈജീരിയ. സമീർ താഹിറും ഷൈജു ഖാലിദും ചേർന്നാണ് ചിത്രം നിർമിക്കുന്നത്.
സൗബിനെക്കുടാതെ നൈജീരിയക്കാരനായ സാമുവേൽ ആബിയോളയും ചിത്രത്തിൽ പ്രധാനകഥാപാത്രത്തെ അവതരിപ്പിക്കുന്നുണ്ട്.
ഷൈജു ഖാലിദാണ് കാമറ കൈകാര്യം ചെയ്യുന്നത്. ഫുട്ബോള്‍ പോരാട്ടത്തിന്‍റെ പശ്ചാത്തലത്തിൽ കഥ പറയുന്ന ചിത്രം തീയറ്ററുകളെത്താന്‍ സജ്ജമായിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
