ഉണ്ണി മുകുന്ദനെ നായകനാക്കി സൈജു എസ്എസ് സംവിധാനം ചെയ്ത ‘ഇര’യുടെ റിലീസ് പ്രഖ്യാപിച്ചു.
ചിത്രം മാര്‍ച്ച് 16ന് തിയേറ്ററുകളില്‍ എത്തും. പുലിമുരുകന്‍ സംവിധായകന്‍ വൈശാഖും ഉദയകൃഷ്ണയും ചേര്‍ന്ന് നിര്‍മ്മിക്കുന്ന ചിത്രമാണ് ഇര.
ചിത്രം പ്രഖ്യാപിച്ചത് മുതല്‍ തന്നെ വാര്‍ത്താകോളങ്ങളില്‍ വലിയ പ്രാധാന്യം നേടിയിരുന്നു. കേരളത്തെ ഞെട്ടിച്ച സംഭവമാണ് ചിത്രത്തിന്റെ ഇതിവൃത്തമെന്നായിരുന്നു ആദ്യ റിപ്പോര്‍ട്ടുകള്‍.
ഇതോടെ ‘ഇര’ വലിയ തോതില്‍ ചര്‍ച്ചയായിരുന്നു. എന്നാല്‍ ചിത്രത്തിന്റെ പ്രമേയം സംബന്ധിച്ച് അണിയറപ്രവര്‍ത്തകര്‍ വ്യക്തമായ സൂചനയൊന്നും പുറത്തുവിട്ടിട്ടില്ല.
മലയാളത്തിലെ പ്രമുഖ നടന്റെ ജീവിതവുമായി ബന്ധപ്പെടുത്തി നിര്‍മ്മിക്കുന്ന സിനിമയാണെന്നും വാര്‍ത്തകള്‍ വന്നിരുന്നു. എന്തായാലും കാത്തിരുന്നു കാണാം ആരാണ് ‘ഇര’ എന്ന്?
വൈശാഖിന്റെ അസോസിയേറ്റ് ആയിരുന്നു സൈജു. നവീന്‍ ജോണാണ് തിരക്കഥ ഒരുക്കിയിരിക്കുന്നത്.
ഉണ്ണി മുകുന്ദനൊപ്പം സുരേഷ് ഗോപിയുടെ മകന്‍ ഗോകുല്‍ സുരേഷും പ്രധാന വേഷത്തിലെത്തുന്നു. മിയ, ലെന, നിരഞ്ജന നീരജ, മറീന, അലന്‍സിയര്‍, ശങ്കര്‍ രാമകൃഷ്ണന്‍, കൈലാസ് തുടങ്ങി വന്‍ താരനിര തന്നെ അണിനിരക്കുന്നുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
