സർക്കാർ അധികാരത്തിലെത്തിയ ശേഷം മുഖ്യമന്ത്രിയുടെ ദുരിതാശ്വാസനിധിയില് നിന്നും സഹായധനമായി വിതരണം ചെയ്തത് 335 കോടി രൂപ.
വിവിധമേഖലകളില് ദുരിതം അനുഭവിക്കുന്ന 2.3 ലക്ഷം പേര്ക്ക് ആശ്വാസമേകാനാണ് ഇത്രയും തുക മുഖ്യമന്ത്രിയുടെ ദുരിതാശ്വാസ നിധിയിൽ നിന്ന്അനുവദിച്ചത്. കഴിഞ്ഞ സർക്കാറിന്റെ കാലത്ത് 2011ജൂണ് മുതല് 2013 ജനുവരി വരെ 169 കോടി രൂപയായിരുന്നു ദുരിതാശ്വാസനിധിയില് നിന്നും വിതരണം ചെയ്തതെന്നും മുഖ്യമന്ത്രി ഫെയ്ബുക്കിൽ വ്യക്തമാക്കുന്നു.
കൂടുതല് ആളുകള്ക്ക് കൂടുതല് ധനസഹായം എത്തിക്കാന് ഇത്തവണ കഴിഞ്ഞു വെന്നതാണ് ഈ സർക്കാരിന്റെ മികവായി കണക്കുകൾ പറയുന്നത്. LDf സർക്കാർ അധികാരത്തിലെത്തിയ ശേഷം മുഖ്യമന്ത്രിയുടെ ദുരിതാശ്വാസനിധിയില് നിന്നും സഹായധനമായി വിതരണം ചെയ്തത് 335 കോടി രൂപ ആണ്.
വിവിധമേഖലകളില് ദുരിതം അനുഭവിക്കുന്ന 2.3 ലക്ഷം പേര്ക്ക് ആശ്വാസമേകാനാണ് ഇത്രയും തുക മുഖ്യമന്ത്രിയുടെ ദുരിതാശ്വാസ നിധിയിൽ നിന്ന്അനുവദിച്ചത്. കഴിഞ്ഞ സർക്കാറിന്റെ കാലത്ത് 2011ജൂണ് മുതല് 2013 ജനുവരി വരെ 169 കോടി രൂപയായിരുന്നു ദുരിതാശ്വാസനിധിയില് നിന്നും വിതരണം ചെയ്തതെന്നും മുഖ്യമന്ത്രി ഫെയ്ബുക്കിൽ വ്യക്തമാക്കുന്നു.
മുഖ്യമന്ത്രിയുടെ ദുരിതാശ്വാസനിധിയില് നിന്നും വേഗത്തില് സഹായധനം അനുവദിക്കാന് കുറ്റമറ്റസംവിധാനമാണ് ഒരുക്കിയിരിക്കുന്നത്. ഓണ്ലൈനായി അപേക്ഷ നല്കാനുള്ള സംവിധാനം സര്ക്കാര് ഏര്പ്പെടുത്തിയിട്ടുണ്ട്. ധനസഹായം ലഭിക്കുന്നതിനുള്ള അപേക്ഷയുമായി ആരും സെക്രട്ടറിയേറ്റില് നേരിട്ട് എത്തണമെന്നില്ല.
ചികിത്സാരേഖകളും ചികിത്സക്ക് ചെലവിടുന്ന തുക സംബന്ധിച്ചും കൃത്യമായ വിവരങ്ങളും അപേക്ഷക്കൊപ്പം ഉണ്ടെങ്കില് വേഗത്തില് തീരുമാനമെടുക്കാന് കഴിയും. അപേക്ഷയിന്മേല് റിപ്പോര്ട്ട് ഓണ്ലൈനായി ലഭ്യമാക്കുന്ന സംവിധാനം കൂടി നിലവില് വന്നതോടെ കാലതാമസം ഇല്ലാതെ തീരുമാനമെടുക്കാന് സര്ക്കാരിന് കഴിയുന്നു.
തുക അനുവദിച്ച് ഉത്തരവിറങ്ങിയാലും പണം ലഭ്യമാകുന്നതിലെ കാലതാമസം ഒഴിവാക്കാന് സഹായധനം നേരിട്ട് അപേക്ഷകന്റെ അക്കൗണ്ടില് എത്തിക്കുന്ന പദ്ധതി ആരംഭിക്കാനും തീരുമാനിച്ചിട്ടുണ്ട്. ജൂണ് മാസത്തോടെ അക്കൗണ്ടില് നേരിട്ട് പണമെത്തിക്കുന്ന പദ്ധതി തുടങ്ങാനാണ് സർക്കാർ ലക്ഷ്യമിടുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here