കേരള മനസാക്ഷിയെ പിടിച്ചു കുലുക്കിയ ഐഎസ്ആര്ഒ ചാരക്കേസ് സിനിമയാകുന്നു. പ്രശസ്ത ശാസ്ത്രജ്ഞന് നമ്പി നാരായണന് രചിച്ച റെഡി ടു ഫയര്: ഹൗ ഇന്ത്യ ആന്റ് ഐ സര്വൈവ്ഡ് ദ ഐഎസ്ആര്ഒ സ്പൈ കേസ് എന്ന നമ്പി നാരായണന്റെ പുസ്തകത്തെ ആസ്പദമാക്കിയാണ് സിനിമ ഒരുങ്ങുന്നത്.
തമിഴ്, ഹിന്ദി, തെലുങ്ക് ഭാഷകളിലാണ് ചിത്രം ഒരുങ്ങുന്നത്. ആനന്ദ് മഹാദേവനാണ് ചിത്രം സംവിധാനം ചെയ്യുന്നത്. ചിത്രത്തില് നമ്പി നാരായണന്റെ വേഷത്തില് മാധവന് എത്തുന്നു എന്നാണ് പുറത്തു വരുന്ന റിപ്പോര്ട്ടുകള് പറയുന്നത്.
ഐ.എസ്.ആര്.ഒ വികസിപ്പിച്ചുകൊണ്ടിരുന്ന ക്രയോജനിക് എഞ്ചിന് സാങ്കേതികവിദ്യയെ ചുറ്റിപ്പറ്റിയായിരുന്നു മറിയം റഷീദയും ഫൗസിയ ഹസ്സനും ഉള്പ്പെട്ട,ചാരക്കേസ്. ഇതുമായി ബന്ധപ്പെട്ട് 1994 ല് നമ്പി നാരായണനെ അറസ്റ്റ് ചെയ്യുകയും ജയിലില് അടയ്ക്കുകയും ചെയ്തു.
പിന്നീട് 1998-ല് സുപ്രീം കോടതി അദ്ദേഹത്തെ കുറ്റവിമുക്തനാക്കി. ചാരക്കേസുമായി ബന്ധപ്പെട്ട് താന് അനുഭവിച്ച മാനസിക സംഘര്ഷങ്ങളാണ് നമ്പി നാരായണന് പുസ്തകത്തില് പറയുന്നത്.പുസ്തകത്തെ ആസ്പദമാക്കിയാണ് സിനിമ ഒരുങ്ങുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here