കൊച്ചി: നടി ആക്രമിക്കപ്പെടുന്ന ദൃശ്യങ്ങള് കേസിലെ പ്രതിയായ ദിലീപിന് എന്തിനാണെന്ന് ഹൈക്കോടതി.
ദൃശ്യങ്ങള് കോടതിയില് വച്ച് പരിശോധിച്ചതല്ലേയെന്നും വീണ്ടും ആവശ്യപ്പെടുന്നത് എന്തിനാണെന്നും ഹൈക്കോടതി ചോദിച്ചു. പകര്പ്പ് ആവശ്യപ്പെട്ടുള്ള ദിലീപിന്റെ ഹര്ജി പരിഗണിക്കുന്നതിനിടെയായിരുന്നു കോടതിയുടെ ചോദ്യം.
അതേസമയം, ദൃശ്യങ്ങളില് എഡിറ്റിംഗ് നടന്നതായി സംശയമുണ്ടെന്ന് ദിലീപിന്റെ അഭിഭാഷകന് കോടതിയില് പറഞ്ഞു. നടിയുടെ ശബ്ദത്തിന്റെ അളവ് കുറച്ചിട്ടുണ്ടെന്ന് സംശയമുണ്ടെന്നും ദിലീപ് കോടതിയില് പറഞ്ഞു.
വീഡിയോയില് ഒരു സ്ത്രീ ശബ്ദം ഉണ്ട്. എന്നാല്, അത് ആരുടേതാണെന്ന് പരിശോധിച്ചിട്ടില്ല. ഇതറിയുന്നതിന് വേണ്ടിയാണ് ദൃശ്യങ്ങള് ആവശ്യപ്പെടുന്നതെന്നും ദിലീപ് വാദിച്ചു.
പൊലീസ് വിവരങ്ങള് മറച്ചുവയ്ക്കുകയാണെന്നും ദിലീപിന്റെ അഭിഭാഷകന് ആരോപിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here