മലയാളത്തിന്റെ മഹാനടന്‍ മോഹന്‍ലാലിന് ലോകമാകെ ആരാധകരുണ്ട്. ചലച്ചിത്രമേഖലയിലുള്ളവര്‍ അവരുടെ പാഠപുസ്തകമാണ് ലാലേട്ടനെന്നാണ് പറയാറുള്ളത്. സൂപ്പര്‍ താരങ്ങള്‍ പോലും ലാലേട്ടനോടുളള ആരാധന മറച്ചുവയ്ക്കാറില്ല.
മലയാളത്തിലെയെന്നല്ല ഇന്ത്യന്‍ സിനിമാ രംഗത്തെ തന്നെ പ്രമുഖര്‍ ലാലേട്ടന്റെ അത്ഭുത പ്രകടനങ്ങളെ വാഴ്ത്തി രംഗത്തുവന്നിട്ടുണ്ട്. ഇപ്പോഴിതാ മലയാളത്തിന്റെ സൂപ്പര്‍ നായകന്‍മാരിലൊരാളായ ജയറാം തന്നെ ലാലേട്ടനെന്ന അഭിനയ പ്രതിഭയോടുള്ള ആരാധന വ്യക്തമാക്കിയിരിക്കുയാണ്.
കഴിഞ്ഞ ദിവസം നടന്ന ഒരു സ്വകാര്യ ചാനലിന്റെ പുരസ്‌കാര വേദിയിലായിരുന്നു ലാലേട്ടനെക്കുറിച്ചുള്ള ജയറാമിന്റെ ത്രസിപ്പിക്കുന്ന വാക്കുകള്‍. ലോകസിനിമയില്‍ തന്നെ ഏറ്റവും മികച്ച നടന്‍മാരുടെ ഗണത്തിലാണ് ലാലേട്ടനുള്ളതെന്ന് പറഞ്ഞ ജയറാം അദ്ദേഹത്തിന്റെ പല വേഷങ്ങളും മറ്റാര്‍ക്കും സ്വപ്‌നം പോലും കാണാനാകില്ലെന്നും കൂട്ടിച്ചേര്‍ത്തു.
മോഹന്‍ലാല്‍ അനശ്വരമാക്കിയ വേഷങ്ങളില്‍ ചിലത് മറ്റുള്ളവര്‍ക്ക് അവരുടേതായ രീതിയില്‍ അവതരിപ്പിക്കാന്‍ സാധിച്ചേക്കും. എന്നാല്‍ ഒരു വേഷം ലോകസിനിമയിലെ തന്നെ മഹാരഥന്‍മാര്‍ക്ക് പോലും ചിന്തിക്കാനാകില്ലെന്നും ജയറാം അഭിപ്രായപ്പെട്ടു.
ആ ലാലേട്ടന്‍ ചിത്രത്തെക്കുറിച്ച് ജയറാം പറഞ്ഞപ്പോള്‍ സദസ്സില്‍ നിറഞ്ഞ കരഘോഷമായിരുന്നു. സാഗര്‍ കോട്ടപ്പുറം എന്ന അയാള്‍ എഴുതുകയാണിലെ വേഷം ലോകത്തെ ഒരു നടനും ചെയ്യാനാകില്ലെന്നായിരുന്നു ജയറാം പറഞ്ഞത്.
ആ വേഷം മറ്റാരെങ്കിലും മനോഹരമായി ചെയ്തുകാട്ടിയാല്‍ അന്ന് താന്‍ ഈ പണി നിര്‍ത്തുമെന്നുകൂടി ജയറാം പറഞ്ഞപ്പോള്‍ കരഘോഷം മുഴക്കിഴവര്‍ക്കും കേട്ടുനിന്നവര്‍ക്കും തെല്ലും സംശയമുണ്ടാകാന്‍ വഴിയില്ല.
വീഡിയോ കാണാം
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
