ഗോവയില് അതീവ ജാഗ്രത നിര്ദ്ദേശം പുറപ്പെടുവിച്ചു. കടൽമാർഗം തീവ്രവാദികൾ ഇന്ത്യയിലേക്ക് കടക്കാൻ സാധ്യതയുണ്ടെന്ന രഹസ്യന്വേഷണ വിഭാഗത്തിന്റെ നിര്ദ്ദേശത്തെ തുടര്ന്നാണിത്.
മത്സ്യബന്ധന ബോട്ടുകളിൽ ഭീകരർ ഗോവയിലെത്താൻ സാധ്യതയുണ്ടെന്നാണ് വിവരം. വെള്ളിയാഴ്ചയാണ് ജാഗ്രത നിര്ദ്ദേശം പുറപ്പെടുവിച്ചത്.
ഇതേതുടർന്നു ഗോവൻ തീരത്തെ കാസിനോകൾക്കും ബോട്ടുകൾക്കും കപ്പലുകൾക്കും സംസ്ഥാന സർക്കാർ ജാഗ്രതാ നിർദേശം നൽകി. തീരത്തു പ്രവർത്തിക്കുന്ന എല്ലാ കാസിനോകൾക്കും ബോട്ടുകാർക്കും ഇതുസംബന്ധിച്ച നിർദേശം നൽകിയതായി ഗോവൻ മന്ത്രി ജയേഷ് സാൽഗോണ്കാർ പറഞ്ഞു.
ഗോവയ്ക്കു പുറമേ മുംബൈ, ഗുജറാത്ത് തീരങ്ങളിലും ആക്രമണത്തിന് സാധ്യതയുണ്ടെന്നും വിവരങ്ങളുണ്ട്. ഇക്കാര്യം ബന്ധപ്പെട്ട വകുപ്പുകളെ അറിയിച്ചിട്ടുണ്ടെന്നും മന്ത്രി കൂട്ടിച്ചേർത്തു.
പാകിസ്ഥാൻ പിടിച്ചെടുത്ത ഇന്ത്യൻ മത്സ്യബന്ധന ബോട്ടുകൾ കഴിഞ്ഞ ദിവസം വിട്ടയച്ചിരുന്നു. തിരികെയെത്തുന്ന ഈ ബോട്ടിൽ ഭീകരർ ഉണ്ടായേക്കാമെന്നാണ് രഹസ്യന്വേഷണ ഏജൻസി നൽകുന്ന സൂചന.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here