ജോയ് മാത്യുവും മമ്മൂട്ടിയും ഒരുമിച്ചെത്തുന്ന അങ്കിളിന്റെ ടീസര് വൈറലാകുന്നു. ഇന്നലെ വൈകുന്നേരം മലയാളത്തിന്റെ മഹാനടന് മമ്മൂട്ടി പുറത്തുവിട്ട ഒഫിഷ്യല് ടീസര് ഗംഭീരമെന്നാണ് ഏവരും പറയുന്നത്.
കപടസദാചാര ബോധത്തെ ചുട്ടുപൊള്ളിക്കുന്നതാണ് ടീസര്. “ചങ്ങാതിമാരുടെകൂടെ പെണ്കുട്ടികളെ വിടുന്നതൊക്കെ നല്ലതാ, പക്ഷേ കുട്ടികള് നമ്മുടെയാണെന്ന ബോധം വേണം” എന്ന ശബ്ദശകലത്തോടെയാണ് ടീസര് ആരംഭിക്കുന്നത്.
ജോയ് മാത്യവിന്റെ തിരക്കഥയില് ഗിരീഷ് ദാമോദര് സംവിധാനം ചെയ്യുന്ന ചിത്രം ആരാധകര് ഏറെ പ്രതീക്ഷയോടെയാണ് കാത്തിരിക്കുന്നത്.
സാമൂഹ്യ പ്രാധാന്യമുള്ള വിഷയമാണ് ചിത്രത്തില് പ്രതിപാദിക്കുന്നത്. 42 ദിവസത്തെ ചിത്രീകരണത്തിന് ശേഷമാണ് സിനിമ പൂര്ത്തിയാക്കിയത്. വയനാട്ടിലും കോഴിക്കോടുമായാണ് പ്രധാന ഭാഗങ്ങളും ചിത്രീകരിച്ചത്.
ജോയ് മാത്യുവും സജയ് സെബാസ്റ്റിയനും ചേര്ന്നാണ് ചിത്രം നിര്മ്മിക്കുന്നത്. അഴകപ്പനാണ് ക്യാമറക്ക് പിന്നില് വിനയ ഫോര്ട്ട്, ആശ ശരത്ത്, സുരേഷ് കൃഷ്ണ, കൈലാഷ്, ഷീല, മുത്തുമണി എന്നിവരും ചിത്രത്തില് വേഷമിടുന്നുണ്ട്. ചിത്രം ഉടന് തന്നെ തീയറ്ററുകളിലെത്തുമെന്നാണ് വ്യക്തമാകുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here