കശ്മീരിലെ കത്വയില്‍ എട്ടു വയസുകാരി ക്രൂരമായി ബലാത്സംഗം ചെയ്യപ്പെട്ട് മരിച്ച സംഭവത്തില്‍ ഞെട്ടല്‍ രേഖപ്പെടുത്തി ദുല്‍ഖര്‍ സല്‍മാന്‍. എക്കാലത്തേയും ഹൃദയഭേദകമായ സംഭവമാണിതെന്നാണ് ദുല്‍ഖര്‍ അഭിപ്രായപ്പെട്ടത്.
കത്വയില്‍ പിടഞ്ഞ് മരിച്ച പെണ്‍കുട്ടിക്ക് നീതി ലഭിക്കണമെന്നും ദുല്‍ഖര്‍ അഭിപ്രായപ്പെട്ടു. നേരത്തെ മഞ്ജുവാര്യര്‍, പാര്‍വ്വതി, ടൊവിനോ എന്നവരും വിഷയത്തില്‍ പ്രതികരണവുമായി രംഗത്തെത്തിയിരുന്നു.
ദേശീയ പുരസ്‌കാരനിറവില്‍ നില്‍ക്കവെ അതിശക്തമായ പ്രതിഷേധം രേഖപ്പെടുത്തിയാണ് പാര്‍വ്വതി രംഗത്തെത്തിയത്. ‘ഞാന്‍ ഹിന്ദുസ്ഥാനാണ്, ഞാന്‍ ലജ്ജിക്കുന്നു. ‘ദേവിസ്ഥാന്‍’ അമ്പലത്തില്‍ കൊല്ലപ്പെട്ട പെണ്‍കുട്ടിക്ക് നീതി ലഭ്യമാക്കുക’ എന്നെഴുതിയ പ്ലക്കാഡുയര്‍ത്തി നില്‍ക്കുന്ന ചിത്രം ഫേസ്ബുക്കില്‍ പോസ്റ്റ് ചെയ്താണ് പാര്‍വതി പ്രതിഷേധവുമായി രംഗത്തെത്തിയത്.
കശ്മീരിലെ കത്വ മേഖലയില്‍ ക്രൂരമായി ബലാത്സംഗത്തിനിരയായി കൊല്ലപ്പെട്ട എട്ടുവയസുകാരിക്ക് നീതി ലഭിക്കാനായി രാജ്യം ഒന്നായി അണിനിരക്കുന്നു. സമസ്തമേഖലകളിലും പ്രതിഷേധം അലയടിക്കുകയാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
