ഐപിഎല്ലില്‍ കിങ്സ് ഇലവന് പഞ്ചാബിന് തകര്‍പ്പന്‍ വിജയം. സണ്‍റൈസേഴ്‌സ് ഹൈദരാബാദിനെതിരേ 15 റണ്‍സിനാണ് ജയം കരസ്ഥമാക്കിയത്. സെഞ്ചുറി നേടിയ ക്രിസ് ഗെയ്‌ലാണ് ആതിഥേയര്‍ക്ക് മികച്ച സ്‌കോര്‍ സമ്മാനിച്ചത്. മൊഹാലിയില്‍ ഗെയ്ല്‍ കൊടുങ്കാറ്റില്‍ അമ്പരന്ന നില്‍ക്കുകയായിരുന്നു കിങ്സ് ഇലവന് പഞ്ചാബിന്റെ ഉടമ പ്രീതി സിന്‍റ.
തുടര്‍ച്ചയായ രണ്ടാം മത്സരത്തിലും തകര്‍ത്താടിയ ക്രിസ് ഗെയിലാണ് (63 പന്തില്‍ 104) കിംഗ്‌സ് ഇലവനെ മുന്നമി പോരാളി. ഓപ്പണര്‍മാരായ ക്രിസ് ഗെയ്‌ലും ലോകേഷ് രാഹുലും ചേര്‍ന്ന് തകര്‍ത്ത് കളിച്ചപ്പോള്‍ കിംഗ്‌സ് ഇലവന് ലഭിച്ചത് മികച്ച തുടക്കം. സ്‌കോര്‍ ബോര്‍ഡില്‍ 53 റണ്‍സ് നില്‍ക്കേ 18 റണ്‍സെടുത്ത രാഹുല്‍ പുറത്തായെങ്കിലും ഗെയ്ല്‍ തളര്‍ന്നില്ല.
പഞ്ചാബിന്റെ മൂന്നാം ജയവും ഹൈദരാബാദിന്റെ ആദ്യ തോല്‍വിയുമാണിത്. ഐപില്‍ താരലേലത്തിന്‍റെ അവസാന ഘട്ടത്തിലാണ് ഗെയിലിനെ പഞ്ചാബ് സ്വന്തമാക്കുന്നത്. വെടിക്കെട്ട് ഫോമില്‍ പഞ്ചാബിനെ നയിക്കുന്ന ക്രിസ് ഗെയിലിനെ അടിസ്ഥാന വിലയായ 2 കോടി രൂപ മാത്രമാണ് പഞ്ചാബ് മുടക്കിയത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Click Here
