അധോലോക നായകന് ദാവൂദ് ഇബ്രാഹിമിന്റെ സ്വത്തുക്കള് ഏറ്റെടുക്കാന് കേന്ദ്രസര്ക്കാറിന് സുപ്രീംകോടതി നിര്ദേശം നൽകി. ജസ്റ്റിസ് ആര്.കെ അഗര്വാള് അധ്യക്ഷനായ ബെഞ്ചാണ് ഉത്തരവ് പുറപ്പെടുവിച്ചത്.
സ്വത്തുക്കള് ഏറ്റെടുക്കുന്നതിനെതിരെ ദാവുദിന്റെ അമ്മ അമിന ബി കസ്കര്, സഹോദരി ഹസീന പാര്ക്കര് എന്നിവര് നല്കിയ ഹരജി തള്ളിക്കൊണ്ടാണ് ഉത്തരവ്.1988ല് ദാവുദിവിന്റ സ്വത്തുക്കള് കേന്ദ്രസര്ക്കാര് സീല് ചെയ്തിരുന്നു.
കള്ളകടത്തുകാരുടെ സ്വത്തുക്കള് ഏറ്റെടുക്കാനുള്ള നിയമം,വിദേശനാണയ വിനിമയചട്ടം ലംഘിക്കുന്നവര്ക്കെതിരായ നിയമം എന്നിവ മുന്നിര്ത്തിയായിരുന്നു കേന്ദ്രസര്ക്കാര് നടപടി. ഇതിനെതിരെ അമിനയും ഹസീനയും സുപ്രീംകോടതിയെ സമീപിക്കുകയായിരുന്നു
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here