ധോണി മാസ് ഡാ; എബിഡിയുടെ വെടിക്കെട്ടിന് ധോണിയുടെ മാസ് മറുപടി; ത്രസിപ്പിക്കുന്ന വിജയം പിടിച്ചെടുത്ത് ചെന്നൈ ഒന്നാം സ്ഥാനത്ത്

ബാംഗ്ലൂര്‍ റോ​യ​ൽ ച​ല​ഞ്ചേ​ഴ്സ് ഉ​യ​ർ​ത്തി​യ മി​ക​ച്ച സ്കോ​ർ നായകന്‍ ധോണിയുടെ കരുത്തില്‍ ചെന്നൈ മറികടന്നു. എബി ഡിവില്ലേ‍ഴ്സിന്‍റെ വെടിക്കെട്ടിന് അതേ ഭാഷയില്‍ മറുപടി നല്‍കിയ ധോണിയുടെ ഇന്നിംഗ്സാണ് ചെന്നൈയ്ക്ക് വിജയം സമ്മാനിച്ചത്.

34 പന്തില്‍ 7 സിക്സറിന്‍റെ അകമ്പടിയോടെ ധോണി 70 റണ്‍സാണ് അടിച്ചുകൂട്ടിയത്. 53 പന്തില്‍82 റണ്‍സ് നേടിയ അമ്പാട്ടി റാ​യു​ഡു​വി​ന്‍റെ​ ഇന്നിംഗ്സും ചെന്നൈയ്ക്ക് നിര്‍ണായകമായി.

ര​ണ്ടു പ​ന്ത് ബാ​ക്കി നി​ൽ​ക്കേ​യാ​ണ് ചെ​ന്നൈ അ​ഞ്ചു വി​ക്ക​റ്റ് ജ​യം ക​ര​സ്ഥ​മാ​ക്കി​യ​ത്. ഇതോടെ പോയിന്‍റു പട്ടികയിൽ ചെന്നൈ ഒന്നാമതെത്തി.

ആദ്യം ബാറ്റിംഗിനിറങ്ങിയ ബാംഗ്ലൂര്‍ ദ​​ക്ഷി​​ണാ​​ഫ്രി​​ക്ക​​ൻ താ​​രം എ​​ബി ഡി​​വി​​ല്യേ​​ഴ്സി​​ന്‍റെ ബാ​​റ്റിം​​ഗ് കരുത്തില്‍ 205 റണ്‍സാണ് അടിച്ചെടുത്തത്. 30 പ​​ന്തി​​ൽ എ​​ട്ട് സി​​ക്സും ര​​ണ്ട് ഫോ​​റും അ​​ട​​ക്കം 68 റ​​ണ്‍​സാണ് ഡി​​വി​​ല്യേ​​ഴ്സ് നേ​​ടി​​യത്.

15 പ​​ന്തി​​ൽ 18 റ​​ണ്‍​സ് നേ​​ടി​​യ ഓപ്പണര്‍ വിരാട് കോ​​ഹ്‌​ലി ​സ്കോ​​ർ​​ബോ​​ർ​​ഡി​​ൽ 35 ഉ​ള്ള​പ്പോ​​ൾ മ​​ട​​ങ്ങി. തു​​ട​​ർ​​ന്ന് ക്രീ​​സി​​ൽ ഒ​​ന്നി​​ച്ച ഡി​​കോ​​ക്കും ഡി​​വി​​ല്യേ​​ഴ്സും റ​​ണ്‍​സ് യ​​ഥേ​​ഷ്ടം നേ​​ടി. ര​​ണ്ട് ദ​​ക്ഷി​​ണാ​​ഫ്രി​​ക്ക​​ൻ താ​​ര​​ങ്ങ​​ളും ചേ​​ർ​​ന്ന് ര​​ണ്ടാം വി​​ക്ക​​റ്റി​​ൽ 103 റ​​ണ്‍​സ് കൂ​​ട്ടി​​ച്ചേ​​ർ​​ത്തു. 37 പ​​ന്തി​​ൽ നാ​​ല് സി​​ക്സും ഒ​​രു ഫോ​​റും അ​​ട​​ക്കം 53 റ​​ണ്‍​സു​​മാ​​യി ഡി​​കോ​​ക്ക് മ​​ട​​ങ്ങി.

മത്സരത്തിലെ സിക്സറുകള്‍ കാണാന്‍ ഇവിടെ ക്ലിക്ക് ചെയ്യുക

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here