സ്ത്രീ കഥാപാത്രങ്ങള്ക്ക് പ്രാധാന്യം നല്കുന്ന സിനിമകള് മലയാളത്തിലും ഉണ്ടാവണമെന്ന് നടി ഭാവന.
സിനിമാ രംഗത്തെ പ്രതിസന്ധികള് ഇല്ലാതാക്കാന് ഇത് സഹായിക്കുമെന്നും ഭാവന അഭിപ്രായപ്പെട്ടു. ഒരു ഓണ്ലൈന് മാധ്യമത്തിന് നല്കിയ അഭിമുഖത്തിലാണ് ഭാവന ഇക്കാര്യം പറഞ്ഞത്.
”നായികാ കഥാപാത്രങ്ങള്ക്ക് ഒരു മാറ്റം ആരാണ് ആഗ്രഹിക്കാത്തത്. ഇത്രയും കാലത്തെ സിനിമാ ജീവിതത്തിനിടെ ഒത്തിരി നല്ല കഥാപാത്രങ്ങളെ അവതരിപ്പിക്കാന് കഴിഞ്ഞു.”
”എന്റേതായ പരാജയങ്ങളും വിജയങ്ങളും ഒരുപോലെ അനുഭവിച്ചിട്ടുണ്ട്. എങ്കിലും ഞാന് സന്തുഷ്ടയാണ്. പക്ഷേ സംതൃപ്തയല്ല. ഇനിയും ഒരുപാട് നല്ല കഥാപാത്രങ്ങള് ചെയ്യാന് ആഗ്രഹിക്കുന്നുണ്ട്.”
”സിനിമ ഞാന് നേരത്തെ തന്നെ തൊഴിലായി സ്വീകരിച്ചതാണ്. 15 വയസ് മുതല് സിനിമയില് അഭിനയിക്കുന്നുണ്ട്. വിവാഹവും മറ്റു കാര്യങ്ങളും എല്ലാവരുടെ ജീവിതത്തിലും ഉണ്ടാവുന്നതാണ്.”
”അത് അതുവരെ ചെയ്തുവന്ന നമുക്കറിയാവുന്ന ഒരു പ്രൊഫഷന് ഉപേക്ഷിക്കാന് ഒരു കാരണമാണെന്ന് തോന്നിയിട്ടില്ല. നല്ല കഥാപാത്രങ്ങള് ലഭിച്ചാല് ഇനിയും അഭിനയിക്കുമെന്നും”.-ഭാവന പറയുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here