കഴിഞ്ഞ ദിവസമാണ് ലോകത്തെ ഞെട്ടിച്ച പ്രതിഷേധം അരങ്ങേറിയത്. അധ്യാപകരുടെ ലൈംഗിക തിഷ്ണയ്ക്കെതിരായ പുത്തന് പ്രതിഷേധമാണ് ലെറ്റിഷ്യ എന്ന വിദ്യാര്ഥിനി തുറന്നെടുത്തത്.
കലാലയത്തിനുള്ളില് തന്റെ വസ്ത്രധാരണം ചോദ്യം ചെയ്ത പ്രൊഫസറുടെ പ്രകോപനമാണ് ലെറ്റീഷ്യയെ ഇത്തരം പ്രതിഷേധത്തിലേക്ക് നയിച്ചത്.കോര്ണല് സര്വകലാശാലയാണ് നാടകീയ പ്രതിഷേധത്തിന് വേദിയായത്.
അടിവസ്ത്രം ഒഴിച്ചുള്ള വസ്ത്രങ്ങള് അഴിച്ചുവച്ചാണ് ലെറ്റീഷ്യ കോളേജിലെ തീസിസ് അവതരിപ്പിച്ചത്. ഷോര്ട്സ് ധരിച്ചുവന്നതാണ് പ്രൊഫസര്ക്ക് അതൃപ്തിയുണ്ടാക്കിയത്. പ്രൊഫസര് റെബേക്ക മാഗറാണ് വിദ്യാര്ഥിനിയുടെ വസ്ത്രധാരണത്തില് അശ്ലീലമുണ്ടെന്ന് പറഞ്ഞത്.
ലോകത്തിന്റെ എല്ലാ കോണുകളിലും അധ്യാപകര് ഇത്തരത്തില് വിദ്യാര്ഥിനികളുടെ വസ്ത്രത്തില് ലൈംഗികത കാണുന്നുണ്ടെന്നും അതിനോടുള്ള തന്റെ പ്രതിഷേധമാണ് ഇതെന്നും ലെറ്റീഷ്യ അഭിപ്രായപ്പെട്ടു. സ്ത്രീകളോട് കാണിക്കുന്ന വിവേചനത്തിനെതിരെ അതിശക്തമായ പ്രതിഷേധങ്ങള് ഉയര്ന്നുവരേണ്ടതുണ്ടെന്നും അവര് പറഞ്ഞു.
അടിവസ്ത്രം മാത്രമിട്ടുള്ള ലെറ്റീഷ്യയുടെ പ്രതിഷേധ തീസിസ് സഹപാഠികള് മൊബൈലില് പകര്ത്തി പുറത്തുവിട്ടിട്ടുണ്ട്. സ്ത്രീകള്ക്കെതിരെ ലോകമാകെ നടക്കുന്ന അതിക്രമങ്ങള്ക്കെതിരെ ഇതിലും ശക്തമായ പ്രതിഷേധങ്ങള് ഉയര്ന്നുവരണമെന്നാണ് ഇവര് പറയുന്നത്.
വീഡിയോ
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here