നായനാർ അക്കാദമി നാളെ നാടിന് സമര്‍പ്പിക്കും

കണ്ണൂരിൽ നിർമിച്ച ഇ കെ നായനാർ അക്കാദമി നാളെ സി പി ഐ എം ജനറൽ സെക്രട്ടറി സീതാറാം യെച്ചൂരി ഉദ്ഘാടനം ചെയ്യും.പാർട്ടിയുടെ ചരിത്രം ഉൾകൊള്ളുന്ന മ്യൂസിയം,റഫറൻസ് ലൈബ്രറി,ഓപ്പൺ തീയേറ്റർ തുടങ്ങിയവ ഉൾപ്പെടുന്നതാണ് നായനാർ സ്മാരക സമുച്ചയം.

മ്യൂസിയം കെട്ടിടം ഉദ്ഘാടനം മുഖ്യമന്ത്രി പിണറായി വിജയൻ നിർവഹിക്കും. തൊഴിലാളി വർഗ്ഗത്തിന്റെ അനിഷേധ്യ നേതാവായിരുന്ന ഇ കെ നായനാരുടെ പേരിലാണ് രാജ്യത്തെ തന്നെ ആദ്യത്തെ കമ്മ്യൂണിസ്റ്റ് മ്യൂസിയം കണ്ണൂരിൽ വരുന്നത്.

നായനാർ ദിനമായ മെയ് 19 ന് ഇ കെ നായനാർ അക്കാദമി സി പി ഐ എം ജനറൽ സെക്രട്ടറി സീതാറാം യെച്ചൂരി ഉദ്ഘടനം ചെയ്യും.

നായനാരുടെ പ്രതിമയും അനാച്ഛാദനം ചെയ്യും.നായനാർ അക്കാദമി മ്യൂസിയം കെട്ടിടത്തിന്റെ ഉദ്ഘാടനം മുഖ്യമന്ത്രി പിണറായി വിജയൻ നിർവഹിക്കും.

ജനങ്ങളിൽ നിന്നും സ്വരൂപിച്ച ഫണ്ട് ഉപയോഗിച്ച് പയ്യമ്പലത്തെ 3.45 ഏക്കർ സ്ഥലത്താണ് ഇ കെ നായനാർ അക്കാദമി നിർമിച്ചത്.

സാർവ ദേശീയ തലത്തിൽ തന്നെ അറിയപ്പെടുന്നതും കമ്മ്യൂണിസ്റ്റ് അനുബന്ധിയായ വിവിധ കോഴ്‌സുകൾ നടത്തുന്ന സ്ഥാപനമായും അക്കാദമി മാറുമെന്ന് സി പി ഐ എം സംസ്ഥാന സെക്രട്ടറി കോടിയേരി ബാലകൃഷ്ണൻ പറഞ്ഞു.

മ്യൂസിയം കൂടാതെ പൊതു ജനങ്ങൾക്ക് ഉപകാരപ്രദമായ റഫറൻസ് ലൈബ്രറി,കലാ സാംസ്‌കാരിക പരിപാടികൾ നടത്താവുന്ന ഹാൾ,ഓപ്പൺ ഓഡിറ്റോറിയം തുടങ്ങിയവയാണ് കെട്ടിട സമുച്ചയത്തിൽ ഉള്ളത്.

അക്കാദമിയിൽ എത്തുന്നവർക്ക് വടക്കേ മലബാറിലെ കമ്മ്യൂണിസ്റ്റ് കേന്ദ്രങ്ങൾ സന്ദർശിക്കാനുള്ള അവസരവും ഒരുക്കും.