പനിയെ തുടര്ന്ന് കോട്ടയം മെഡിക്കല് കോളേജില് നിരീക്ഷണത്തില് കഴിയുന്ന ആളിന് നിപ്പ വൈറസ് ബാധിച്ചതായ ലക്ഷണങ്ങള് നിലവില് ഇല്ലെന്ന് ജില്ലാ മെഡിക്കല് ഓഫീസര് ഡോ. ജേക്കബ് വര്ഗ്ഗീസ് അറിയിച്ചു.
പേരാമ്പ്ര താലൂക്കില് നിന്ന് ട്രെയിനില് കോട്ടയത്തെത്തിയ ഇയാള് പനിമൂലം അവശത തോന്നിയതിനെ തുടര്ന്ന് നേരിട്ട് മെഡിക്കല് കോളേജില് എത്തുകയായിരുന്നു.
നിപ്പ വൈറസ് ബാധയുളളതായി സംശയിക്കുന്നവരെ നിരീക്ഷിക്കുന്നതിനും ചികിത്സിക്കുന്നതിനും മെഡിക്കല് കോളേജില് പ്രത്യേക സംവിധാനം ഒരുക്കിയിട്ടുണ്ട്.
ജില്ലയിലെ എല്ലാ ആശുപത്രികളിലും അണുനശീകരണവും വ്യക്തിഗത സുരക്ഷ നടപടികളും ശക്തമാക്കിയതായും ഡിഎംഒ അറിയിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here