മുംബൈ: വാട്സൺന്റെ സൂപ്പർ സെഞ്ചുറിയിൽ സൺറൈസേഴ്സിനെ കീഴടക്കി ചെന്നൈ സൂപ്പർ കിംഗ്സിന് ഐ പി എല് കിരീടം. മൂന്നാം ഐപിഎൽ കിരീടമാണ് ചെന്നൈ സ്വന്തമാക്കിയത്.
ഹൈദരാബാദിന്റെ 178 റൺസ് വിജയലക്ഷ്യം ചെന്നെെ എളുപ്പം മറികടന്നു. ചെന്നൈയ്ക്കു ഡുപ്ലസിയെ പെട്ടന്ന് നഷ്ടമായെങ്കിലും പിന്നീട് റെയ്നയും വാട്സണും ചേർന്നുള്ള കൂട്ടുകെട്ടാണ് സൂപ്പര് ടീമിനെ കപ്പിലേക്കെത്തിച്ചത്. 57 പന്തിൽ 11 ഫോറും എട്ടു സിക്സറും ഉൾപ്പെടുന്നതായിരുന്നു വാട്സണിന്റെ ഇന്നിംഗ്സ്.
റെയ്ന വാട്സണ് കൂട്ടുകെട്ട് 117 റൺസാണ് നേടിയത് . ഇതിൽ 32 റൺസ് മാത്രമായിരുന്നു റെയ്നയുടെ സംഭാവന. റെയ്ന പുറത്തായ ശേഷം അമ്പാട്ടി റായുഡുവിനൊപ്പം വാട്സണ് കിരീടത്തിലേക്ക് കുതിച്ചു
രണ്ടു വർഷത്തെ വിലക്കിനു ശേഷമാണ് ചെന്നെെ കളിക്കാനിറങ്ങിയത്. സീസണിൽ മൂന്നു തവണ ഇരുവരും കണ്ടുമുട്ടിയപ്പോഴും സൺറൈസേഴ്സിനു തോൽവിയായിരുന്നു വിധി. ഫൈനലിലും അതാവർത്തിക്കുകയായിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here