തപാൽ സമരം മാറ്റിവെച്ചു; ഇന്ന് മുതൽ തപാൽ ഓഫീസുകള്‍ പ്രവർത്തിച്ചു തുടങ്ങും

തപാൽ സമരം കേരളത്തിൽ മാത്രം തൽക്കാലം മാറ്റിവെയ്ക്കുവാൻ തീരുമാനിച്ചു. പോസ്റ്റൽ സെക്രട്ടറി നടത്തിയ അഭ്യർത്ഥനയെ മാനിച്ചാണ് തീരുമാനം.

വേതന പരിഷ്കരണം ഒരു മാസത്തിനുള്ളിൽ പരിഗണിക്കുമെന്ന ഉറപ്പിന്മേലാണ് പണിമുടക്ക് സമരം പിൻവലിച്ചത് . ഇന്ന് മുതൽ എല്ലാ തപാൽ ഓഫീസുകളും പ്രവർത്തിച്ചു തുടങ്ങുമെന്നും ജീവനക്കാരുടെ സംഘടനകൾ അറിയിച്ചു.

GDS ജീവനക്കാർ മറ്റു സംസ്ഥാനങ്ങളിൽ നടത്തി കൊണ്ടിരിക്കുന്ന പണിമുടക്ക് തുടരും. ഭാവി പരിപാടികൾ സമര സമിതി യോഗം ചേർന്ന് തീരുമാനിക്കും.