ദുരൂഹസാഹചര്യത്തിൽ കാണാതായ ബിരുദ വിദ്യാർഥിനി ജെസ്ന മരിയ ജെയിംസിനെ കണ്ടെത്താൻ വനത്തിൽ തെരച്ചിൽ നടത്തുന്നു. എരുമേലി, മുണ്ടക്കയം, കുട്ടിക്കാനം തുടങ്ങിയ സ്ഥലങ്ങളിലെ വനങ്ങളിലാണ് പരിശോധന നടത്തുന്നത്. കോട്ടയം, ഇടുക്കി, പത്തനംതിട്ട എന്നിവിടങ്ങളിൽ നിന്നുള്ള പോലീസ്, വനം വകുപ്പ് ഉദ്യോഗസ്ഥരാണ് തെരച്ചിൽ നടത്തുക.
റാന്നി സി ഐ, എരുമേലി സി ഐ എന്നിവരുടെ കീഴിൽ 5 ടീമാണ് തിരച്ചില് നടത്തുന്നത്. ഇവർ പൊന്തൻപുഴ, കന്നിമല, കൊലഹൽമീഡ്, മുണ്ടക്കയം, 27ആം മൈൽ എന്നിവിടങ്ങളില് തെരച്ചില് നടത്തും.
തിരുവല്ല സി ഐ, പീരുമേട് സി ഐ എന്നിവരുടെ കീഴിൽ 5 ടീം പരുന്തുംപാറ, മത്തായി കൊക്ക, പഞ്ചാലിമേട്, വലഞ്ചാകാനം, മദാമ്മകുളം എന്നിവിടങ്ങളില് തെരച്ചില് നടത്തും. വിജനമായ സ്ഥലങ്ങളിൽ പ്രധാന പരിശോധന. പരിശോധനയിൽ 100 പൊലീസുകാർ ഉള്പ്പെടും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here