സനല്കുമാര് ശശിധരന് സംവിധാനം ചെയ്യുന്ന ചിത്രമായ ചോലയുടെ ഫസ്റ്റ്ലുക്ക് പോസ്റ്റര് പുറത്തിറങ്ങി. ജോജു ജോര്ജും നിമിഷ സജയനുമാണ് ചിത്രത്തില് കേന്ദ്രകഥാപാത്രങ്ങളെ അവതരിപ്പിക്കുന്നത്. നിവ് ആര്ട്ട് മൂവീസിന്റെ ബാനറില് അരുണ മാത്യുവും ഷാജി മാത്യുവും ചേര്ന്നാണ് ചിത്രം നിര്മിക്കുന്നത്.
ജൂലൈയില് സിനിമയുടെ ചിത്രീകരണം ആരംഭിക്കുന്ന സിനിമ ഡിസംബര് മാസത്തോടെ തിയേറ്ററുകളിലെത്തും. നോവലിസ്റ്റും ചെറുകഥാകൃത്തുമായ കെ.വി. മണികണ്ഠനുമായി ചേര്ന്ന് സനല്കുമാര് ശശിധരന് തന്നെയാണ് തിരക്കഥ രചിച്ചിരിക്കുന്നത്. ഛായാഗ്രഹണം അജിത് ആചാര്യയും കലാസംവിധാനം ദിലീപ് ദാസുമാണ് നിര്വഹിക്കുന്നത്. ജിജു ആന്റണി ആണ് എക്സിക്യൂട്ടീവ് പ്രൊഡ്യൂസര്.
ഒഴിവുദിവസത്തെ കളിക്കും എസ് ദുര്ഗ്ഗയ്ക്കും ശേഷം സനല് കുമാര് ശശിധരന് സംവിധാനം ചെയ്യുന്ന ചിത്രമാണ് ചോല.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here