തിരുവനന്തപുരം: ജസ്നയുടെ തിരോധാനവുമായി ബന്ധപ്പെട്ട് തങ്ങളുടെ കുടുംബത്തെ ആക്ഷേപിക്കുന്ന തരത്തില് പ്രസ്താവന നടത്തിയ പിസി ജോര്ജ്ജിനെതിരെ ജെസ്നയുടെ സഹോദരി രംഗത്ത്.
അഭിപ്രായം പറയുന്നവര് സത്യാവസ്ഥ അറിഞ്ഞിട്ട് സംസാരിക്കണമെന്നും, സഹായിച്ചില്ലെങ്കിലും ഉപദ്രവിക്കരുതെന്നും ജസ്നയുടെ സഹോദരി ജെഫി പറയുന്നു.
ജെഫിയുടെ വാക്കുകള്:
”ജെസ്നയുടെ തിരോധാനത്തെ രാഷ്ട്രീയമായി മുതലെടുക്കാനാണ് ചിലര് ശ്രമിക്കുന്നത്. തങ്ങളെ സഹായിക്കേണ്ടവര് തന്നെ ഇത്തരത്തിലുള്ള ആരോപണങ്ങള് ഉന്നയിക്കുന്നത് ദുഃഖകരമാണ്.”
”പിതാവിനെതിരെ ആരോപണമുന്നയിക്കുന്നതിന് മുമ്പ് സത്യാവസ്ഥ എന്തെന്ന് ഇങ്ങനെയുള്ളവര് മനസിലാക്കണം. ഞങ്ങള്ക്ക് ഞങ്ങളുടെ പിതാവിന്മേല് ഒരു സംശയവുമില്ല. നൂറു ശതമാനം വിശ്വാസമാണ്.”
”അമ്മയുടെ മരണ ശേഷം ഞങ്ങള് മക്കളെ അത്തരയേറെ കാര്യമായിട്ടാണ് പപ്പ നോക്കുന്നത്. സഹായിച്ചില്ലെങ്കിലും ആരും ഉപദ്രവിക്കരുത്.”
”ഊഹാപോഹങ്ങള് ഉണ്ടാകുന്നത് സ്വാഭാവികമാണ്. തങ്ങളെക്കുറിച്ച് എന്തെങ്കിലും പരാതിയുള്ളവര് പൊലീസിന് വിവരം കൈമാറുകയാണ് ചെയ്യേണ്ടത്. ജെസ്നയെക്കുറിച്ച് എന്തെങ്കിലും വിവരം അറിയാവുന്നവരും തങ്ങളെ സഹായിക്കാന് തയാറാകണം.” -ജെഫി പറയുന്നു.
ജെസ്നയുടെ തിരോധാനത്തില് പിതാവിന്റെ വഴിവിട്ട ജീവിതവുമായി ബന്ധമുണ്ടെന്ന് പിസി ജോര്ജ് കഴിഞ്ഞ ദിവസം ആരോപിച്ചിരുന്നു. ഇതിനു പിന്നാലെയാണ് ജെഫിയുടെ പ്രതികരണം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here