വയസ് 72. ഈ വയസ്സിലും ഈ അമ്മ ജീവിക്കുന്നത് സ്വന്തം അധ്വാനത്തിലൂടെ. ഈ അമ്മയുടെ അധ്വാനത്തിന്റെ മഹത്വം ലോകത്തോട് വിളിച്ച് പറഞ്ഞിരിക്കുകയാണ് ക്രിക്കറ്റ് ഇതിഹാസം വീരേന്ദര്‍ സേവാഗ്.
ഭോപ്പാല്‍ ജില്ലാ കലക്ടറേറ്റില്‍ ടൈപ്പ് റൈറ്ററുമായി ഇരുന്ന് വേഗം വേഗം ടൈപ്പ് ചെയ്യുന്ന അമ്മയെ സൂപ്പര്‍വുമണ്‍ എന്നാണ് സേവാഗ് വിശേഷിപ്പിച്ചത്. ഈ മാസം 12നാണ് സേവാഗ് കുറിപ്പോട് കൂടിയ വീഡിയോ ട്വീറ്റ് ചെയ്തത്.
മധ്യപ്രദേശിലെ സെഹോര്‍ സ്വദേശിനിയായ ലക്ഷ്മിഭായിയില്‍ നിന്നും യുവജനങ്ങള്‍ ഒരുപാട് കാര്യങ്ങള്‍ പഠിക്കാനുണ്ടെന്ന് സേവാഗ് പറയുന്നു. ഇവരുടെ മകള്‍ക്ക്അപകടംപറ്റിയതിനെതുടര്‍ന്ന് ചികിത്സക്കായി വലിയൊരു തുക വായ്പയെടുത്തിരുന്നു.
എനിക്ക് യാചിക്കുന്നത് ഇഷ്ടമല്ലെന്നും തനിക്ക് ഈ ജോലി ലഭിച്ചത് കലക്ടറുടേയും സബ് കലക്ടറുടേയും സഹായം കൊണ്ടാണെന്നും ലക്ഷമിബായി വ്യക്തമാക്കി. സേവാഗ് വീഡിയോ ഷെയര്‍ ചെയ്തതില്‍ സന്തോഷമുണ്ടെന്നും കടം വീട്ടണമെന്നും സ്വന്തമായി വീട് വേണമെന്നുമാണ് ആഗ്രഹമെന്നും ലക്ഷമി ഭായി പ്രതീക്ഷയോടെ പറയുന്നു.
A superwoman for me. She lives in Sehore in MP and the youth have so much to learn from her. Not just speed, but the spirit and a lesson that no work is small and no age is big enough to learn and work. Pranam ! pic.twitter.com/n63IcpBRSH
— Virender Sehwag (@virendersehwag) June 12, 2018
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
