ഇൗ വർഷത്തെ ഫെമിന മിസ് ഇന്ത്യ കിരീടം അനുക്രീതി വാസിന്. തമിഴ്നാട് സ്വദേശിനിയായ അനുക്രീതി 30 മത്സരാര്ത്ഥികളെ പിന്നിലാക്കിയാണ് ഫെമിന മിസ് ഇന്ത്യ കിരീടം സ്വന്തമാക്കിയത്.
ബോളിവുഡ് സംവിധായകന് കരണ് ജോഹര്, നടനായ ആയുഷ്മാന് ഖുരാന എന്നിവര് പങ്കെടുത്ത മുംബൈയി അരങ്ങേറിയ ചടങ്ങിലാണ് 19 വയസുകാരിയായ അനുക്രീതിയെ കിരീടം ചൂടിച്ചത്.
കളേഴ്സ് ഫെമിന മിസ് തമിഴ്നാട് പട്ടം സ്വന്തമാക്കിയിരുന്ന അനുക്രീതി 30 മത്സരാര്ത്ഥികളെ പിന്നിലാക്കിയാണ് ഫെമിന മിസ് ഇന്ത്യ കിരീടം സ്വന്തമാക്കിയത്.
ചെന്നൈയിലെ ലയോള കോളേജില് ബിരുദ വിദ്യാര്ഥിനിയാണ് അനുക്രീതി . 2017ലെ ലോകസുന്ദരി മാനുഷി ഛില്ലറാണ് അനുക്രീതിക്ക് കിരീടം അണിയിച്ചത്. ഹരിയാന സ്വദേശിനിയായ മീനാക്ഷി ചൗധരിയാണ് ഫസ്റ്റ് റണ്ണര് അപ്പായി തിരഞ്ഞെടുക്കപ്പെട്ടത്. സെക്കന്റ് റണ്ണര് അപ്പായി ആന്ധ്ര സ്വദേശിനി ശ്രേയ റാവു തിരഞ്ഞെടുക്കപ്പെട്ടു.
2018 ലോക സുന്ദരി പട്ടത്തിനായി ഇന്ത്യയെ അനുക്രീതി വാസാണ് ഇനി പ്രതിനിധീകരിക്കുക. ബാക്കിയുളള രണ്ട് റണ്ണര് അപ്പുകള് മിസ് ഗ്രാന്ഡ് ഇന്റര്നാഷണല് 2018, മിസ് യുനൈറ്റഡ് കോണ്ടിനെന്റ്സ് 2018 എന്നീ വേദികളില് ഇന്ത്യയെ പ്രതിനിധീകരിക്കും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here