അമ്മയുടേത് വഞ്ചനാപരവും മനുഷ്യത്വഹീനവുമായ നിലപാട്: രമ്യാ നമ്പീശന്‍

കൊച്ചി: ആക്രമിക്കപ്പെട്ട നടിയായ തങ്ങളുടെ സഹപ്രവര്‍ത്തകയോട് തികച്ചും വഞ്ചനാപരവും മനുഷ്യത്വഹീനവുമായ നിലപാടാണ് അമ്മ സ്വീകരിച്ചതെന്ന് രമ്യാ നമ്പീശന്‍.

രമ്യ രാജിക്കത്തില്‍ പറയുന്നത് ഇങ്ങനെ:

‘അമ്മ’ യില്‍ നിന്നും രാജി വെക്കുകയാണ്. ഇപ്പോഴത്തെ സാഹചര്യങ്ങളോടുള്ള അങ്ങേയറ്റം നിരുത്തരവാദപരമായ നിലപാടില്‍ പ്രതിഷേധിച്ചാണ് എന്റെ രാജി.

ഹീനമായ ആക്രമണം നേരിട്ട, ഞങ്ങളുടെ സഹപ്രവര്‍ത്തകയോട് തികച്ചും വഞ്ചനാപരവും മനുഷ്യത്വഹീനവുമായ നിലപാടാണ് സംഘടന സ്വീകരിച്ചത്. ഞാന്‍ പ്രാഥമികമായി മനുഷ്യനായിരിക്കുന്നതില്‍ വിശ്വസിക്കുന്നു. നീതി പുലരട്ടെ.