നെയ്മറിന്‍റെ വീ‍ഴ്ച പരസ്യമാക്കി കെഎഫ്സി; സോഷ്യല്‍ മീഡിയയിലും നെയ്മറിനെതരെ ട്രോളുകള്‍ 

റഷ്യന്‍ ലോകകപ്പില്‍ ഗോളടിക്കുന്നതിനൊപ്പം അഭിനയ മുഹൂര്‍ത്തങ്ങള്‍ തീര്‍ത്ത് നിറഞ്ഞാടുന്ന ബ്രസീലിയന്‍ സൂപ്പര്‍ താരം നെയ്മറിന്‍റെ വീ‍ഴ്ച അന്താരാഷ്ട്ര വ്യാപാര ശൃംഖലയ്ക്ക് പരസ്യമാകുന്നു.

നെ​യ്മ​റിന്‍റെ വീ​ഴ്ച്ച​യെ ത​ങ്ങ​ളു​ടെ പ​ര​സ്യ​മാ​ക്കി മാ​റ്റി​യി​ത് കെ എഫ് സി എന്ന ചുരുക്കപ്പേരിലറിയപ്പെടുന്ന കെ​ന്‍റ​ക്കി ഫ്രൈ​ഡ് ചി​ക്ക​ൻ കമ്പനിയാണ്.

ഫു​ട്ബോ​ൾ കളിക്കിടെ പ​രുക്കേ​റ്റ് നി​ല​വി​ളി​ച്ച് നി​ല​ത്തു​വീ​ഴു​ന്ന താരം ഗ്രൗ​ണ്ടി​ൽ നി​ന്നുരു​ണ്ട് ഒട്ടേറെ ​സ്ഥ​ല​ങ്ങ​ൾ ക​റ​ങ്ങി കെ എ​ഫ് സി ഒട്ട്ലെറ്റിന് മു​ന്നില്‍ എ​ത്തി​നി​ൽ​ക്കു​ക​യും, സ​ന്തോ​ഷ​ത്തോ​ടെ ഭ​ക്ഷ​ണ വ​സ്തു​ക്ക​ൾ വാ​ങ്ങി മ​ട​ങ്ങു​ക​യും ചെ​യ്യു​ന്ന​താ​ണ് ഈ ​പ​ര​സ്യ​ത്തി​ൽ.

വീഡിയോ കാണാം

പ്രീ ക്വാര്‍ട്ടര്‍ വരെയുള്ള നാല് മ​ത്സ​ര​ങ്ങളിലും നെ​യ്മ​റു​ടെ വീ​ഴ്ച്ച​യും ക​ര​ച്ചി​ലും ഏ​റെ ച​ർ​ച്ച ചെ​യ്യ​പ്പെ​ട്ടു​ സാഹചര്യത്തിലാണ് പുതിയ പരസ്യം. പക്ഷേ സൂപ്പര്‍ താരത്തിന്‍റെ വീ‍ഴ്ചയെ റഫറിമാര്‍ പോലും ഇപ്പോള്‍ കാര്യമാക്കുന്നില്ലെന്നതും ശ്രദ്ധേയമാണ്.

മെക്സിക്കോയ്ക്കെതിരായ മത്സരത്തിന്‍റെ രണ്ടാം പാതിയില്‍ മിഗ്വേണ്‍ ലയൂണിന്‍റെ ചവിട്ടേറ്റെന്ന് നടിച്ച് ഗ്രൗണ്ടില്‍ കിടന്ന് നിലവിളിച്ച നെയ്മറെ തീര്‍ത്തും പരിഗണിക്കാതെ മത്സരം തുടരാന്‍ റഫറി ആവശ്യപ്പെട്ടിരുന്നു. ലയൂണിന് മഞ്ഞക്കാര്‍ഡോ റഫറിയുടെ വാണിങ്ങോ ഉണ്ടായില്ല.

നിമിഷങ്ങള്‍ക്കുള്ളില്‍ ഒന്നും സംഭവിക്കാത്തതുപോലെ നെയ്മര്‍ എ‍ഴുന്നേറ്റ് കളി തുടരുകയും ചെയ്തു. ഇവിടെ ആഞ്ഞടിച്ചത് മെക്സികോ പരിശീലകൻ യുവാൻ കാർലോസ് ഒസോറിയോയാണ്.

ഫുട്ബോളിന് ഇത് അപമാനമാണ്. ഒരു കളിക്കാരനുവേണ്ടി എത്ര സമയമാണ് വെറുതെ കളഞ്ഞത്. പരിഹാസ്യമായ അഭിനയമാണിതെന്നും ഒസാറിയോ അഭിപ്രായപ്പെട്ടിരുന്നു.

കാ​റ്റ​ടി​ച്ചാല്‍പ്പോലും നി​ല​ത്തു വീ​ഴു​ന്ന താ​രം ചെ​യ്തു​കൊ​ണ്ടി​രി​ക്കു​ന്ന​ത് വെ​റും അ​ഭി​ന​യ​മാ​ണെ​ന്നും മി​ക​ച്ച ന​ട​നു​ള്ള പു​ര​സ്ക്കാ​രം അ​ദ്ദേ​ഹ​ത്തി​നു ന​ൽ​ക​ണ​മെ​ന്നു​മു​ള്ള പ​രി​ഹാ​സ അ​ഭി​പ്രാ​യ​ങ്ങ​ൾ സമൂഹ മാധ്യമങ്ങളില്‍ നേരത്തെ തന്നെ വൈറലായിട്ടുണ്ട്.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here