കഞ്ചിക്കോട് കോച്ച് ഫാക്ടറി ഉപേക്ഷിക്കില്ലെന്ന് കേന്ദ്രം

തിരുവനന്തപുരം: കഞ്ചിക്കോട്ടെ റെയില്‍വേ കോച്ച് ഫാക്ടറി ഉപേക്ഷിക്കില്ലെന്ന് കേന്ദ്ര സര്‍ക്കാരിന്റെ ഉറപ്പ്.

ഭരണപരിഷ്‌ക്കര കമ്മീഷന്‍ അധ്യക്ഷന്‍ വിഎസ് അചുതാനന്ദന് കേന്ദ്ര റെയില്‍വേ മന്ത്രി പിയൂഷ് ഗോയല്‍ അയച്ച കത്തിലാണ് ഇക്കാര്യം വ്യക്തമാക്കിയത്.

എന്നാല്‍ എത് തരം കോച്ചുകള്‍ ആണ് ആവശ്യമെന്നത് വിലയിരുത്തിയാലും പദ്ധതിയുമായി മുന്നോട്ട് പോകുക എന്ന് കത്തില്‍ വ്യക്തമാക്കിയിട്ടുണ്ട്.

യുഡിഎഫ് സര്‍ക്കാരിന്റെ കാലത്ത് കോച്ച് ഫാക്ടറിയുടെ കാര്യത്തില്‍ അലംഭാവം സ്വീകരിച്ചതായും കേന്ദ്ര റെയില്‍ മന്ത്രി ചൂണ്ടിക്കാട്ടുന്നുണ്ട്. കത്ത് ലഭിച്ച കാര്യം വി.എസ്, മുഖ്യമന്ത്രിയുടെ ഓഫീസിനെ അറിയിച്ചു.