കനത്ത മ‍ഴ; നെടുമ്പാശ്ശേരി വിമാനത്താവളം അടച്ചു; ഓപ്പറേഷൻസ് ഏരിയയിലും വെള്ളം കയറി

കനത്ത മ‍ഴയെത്തുടര്‍ന്ന് നെടുമ്പാശ്ശേരി വിമാനത്താവളം അടച്ചു. 4 ദിവസത്തേക്കാണ് വിമാനത്താവളം അടച്ചത്. ശനിയാ‍ഴ്ച ഉച്ചയോടെ വിമാനത്താവളം വീണ്ടും തുറക്കും.

വിമാനത്താവളത്തിലെ ഓപ്പറേഷൻസ് ഏരിയയിലും വെള്ളം കയറി. തുടര്‍ന്നാണ് വിമാനത്താവളം അടക്കാനുള്ള തീരുമാനം എടുത്തത്. വിമാനത്താവളത്തിൽ കൺട്രോൾ റൂംം തുറന്നു: 0484 – 3053500, 2610094.

മുല്ലപ്പെരിയാർ, ചെറുതോണി അണക്കെട്ടുകൾ തുറന്നതോടെ നെടുമ്പാശ്ശേരി വിമാനത്താവള ത്തിലെേക്ക് വെള്ളം കയറിയ സ്ഥിതിയാണ്. തുടർന്ന് ഇന്ന് രാവിലെ 6.30 ന് കൊച്ചിയിൽ ഇറങ്ങേണ്ടിയിരുന്ന ഷാർജ-കൊച്ചി ജെറ്റ് എയർ വെയ്‌സ് വിമാനവും. 5.30 കൊച്ചിയിൽ എത്തേണ്ടിയിരുന്ന ദോഹ-കൊച്ചി ജെറ്റ് എയർവെയിസ് വിമാനവും ബാംഗ്ലൂരിൽ ഇറക്കി.

വൃദ്ധരും കുട്ടികളും സ്ത്രീകളും അടങ്ങിയ യാത്രക്കാരോട് സ്വന്തം നിലയ്ക്ക് നാട്ടിലേക്ക് മടങ്ങാന്‍ ജെറ്റ് എയർവെയ്‌സ് നിര്‍ദ്ദേശം നല്‍കി.