കേരളത്തെ രക്ഷിക്കാനുള്ള അഭ്യർത്ഥനയുമായി സുഡാനി ഫ്രം നൈജീരിയയിലൂടെ പ്രസിദ്ധനായ സാമുവൽ റോബിൻസൺ ഫെയ്സ് ബുക്ക് കുറിപ്പ്. മലയാളത്തിലാണ് നൈജീരിയൻ സ്വദേശിയായ അദ്ദേഹത്തിന്റെ കുറിപ്പ്.
വിശ്വമാനവികതയുടെ പ്രതീകമായി അഭ്രപാളികളിൽനിന്ന് മലയാളി മനസ്സുകളിലേക്കു ചേക്കേറിയ ‘സുഡു’വിന്റെ കുറിപ്പ് ഇങ്ങനെ:
“കേരളത്തെ സഹായിക്കൂ. ഞാൻ മലയാളി അല്ലെന്ന് എനിക്കറിയാം പക്ഷേ, കേരളത്തിൽ ഞാൻ ശ്രദ്ധിക്കുന്ന ഒരുപാട് ആളുകളുണ്ട്.
കേരളം എന്റെ രണ്ടാമത്തെ ഭവനമായി കണക്കാക്കുന്നു, കേരളം നശിപ്പിക്കപ്പെടണമെന്ന് ഞാൻ ആഗ്രഹിക്കുന്നില്ല.
അതുകൊണ്ട് മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് സംഭാവന നൽകുക. തുക വളരെ ചെറുതാണ്. ജലപ്രളയ ബാധിതരെ രക്ഷിക്കാൻ സർക്കാരിനെ സഹായിക്കുക. നിങ്ങളെ വ്യക്തിപരമായി ബാധിച്ചിട്ടില്ലെങ്കിൽ പോലും നമ്മൾ എല്ലാവരും മനുഷ്യരാണ്, ഞങ്ങൾ എല്ലാവരും കുടുംബമാണ്. നമുക്ക് പരസ്പരം സഹായിക്കാം.
ബാങ്ക് അക്കൗണ്ട് നമ്പർ 67319948232 സ്റ്റേറ്റ് ബാങ്ക് ഓഫ് ഇന്ത്യ, ബ്രാഞ്ച് സിറ്റി ബ്രാഞ്ച് തിരുവനന്തപുരം, ഐഫോഴ്സ് കോഡ്: SBIN0070028
നന്ദി”
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here