ആലപ്പുഴ: സുപ്രീംകോടതി വിധിയെയും ഭരണഘടനയെയും വെല്ലുവിളിക്കുന്ന രാഹുൽ ഈശ്വറിനെതിരെ കേസെടുക്കാൻ ആലപ്പുഴ ചീഫ് ജുഡീഷ്യൽ മജിസ്ട്രേറ്റ് കോടതി ഉത്തരവ്.
ശബരിമല വിഷയത്തിൽ സുപ്രീം കോടതി വിധിയെയും ഭരണഘടനയെയും വെല്ലുവിളിച്ച് രാഹുൽ പരസ്യ പ്രസ്താവനകൾ നടത്തുന്നതിന് എതിരെ അഡ്വ. സുഭാഷ് തീക്കാടൻ നൽകിയ പരാതിയിലാണ് രാഹുൽ ഈശ്വറിന് എതിരെ കേസെടുക്കാൻ കോടതി ആലപ്പുഴ സൗത്ത് പൊലീസ് സ്റ്റേഷൻ എസ്എച്ച്ഒയ്ക്ക് നിർദേശം നൽകിയത്.
വിശ്വാസികൾ പരസ്പരം സംഘർഷത്തിൽ ഏർപ്പെടുന്നതിനും കലാപത്തിലേക്ക് വഴി വെക്കുന്നതിനും രാഹുലിന്റെ പ്രസ്താവനകളും ആഹ്വാനവും ഇടയാക്കും. രാഹുൽ ഈശ്വർ സെപ്തംബർ 30ന് ഒരു ചാനൽ ചർച്ചയിൽ പങ്കടുത്തു നടത്തിയ ആഹ്വാനം താൻ നേരിട്ട് കണ്ടതാണെന്ന് ഹർജിയിൽ പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here