മീ ടൂ ആരോപണത്തിന്‍റെ പശ്ചാതലത്തിൽ കൊച്ചി ബിനാലെ സഹസ്ഥാപകനും നിലവില്‍ കൊച്ചി ബിനാലെയുടെ സെക്രട്ടറിയുമായ റിയാസ് കോമു ബിനാലെയുമായി ബന്ധപ്പെട്ട എല്ലാ സ്ഥാനങ്ങളും രാജി വെച്ചു.
ആരോപണത്തില്‍ പരിഹാരമുണ്ടാകുന്നതുവരെ ബിനാലെയുമായി ബന്ധപ്പെട്ട എല്ലാ സ്ഥാനങ്ങളില്‍ നിന്നും മാറി നില്‍ക്കുന്നതായി റിയാസ് കോമു ഇന്‍സ്റ്റഗ്രാമില്‍ കുറിച്ച പോസ്റ്റില്‍ പറയുന്നു.
ആരോപണത്തില്‍ റിയാസ് കോമുവിനെതിരെ ബിനാലെ ഫൗണ്ടേഷന് ഇതുവരെ പരാതിയൊന്നും ലഭിച്ചിട്ടില്ല.
എന്നാല്‍ ഇത്തരം പ്രശ്നങ്ങളോട് ഇത്തരം പ്രശ്നങ്ങളോട് വിട്ടുവീ‍ഴ്ചയില്ലാത്ത നിലപാടുകള്‍ സ്വീകരിക്കുന്നതിന്‍റെ ഭാഗമാണ് ആരോപണത്തില്‍ അന്വേണ കമ്മീഷനെ നിയമിക്കുന്നതെന്നും ബിനാലെ ഫൗണ്ടേഷന് വ്യക്തമാക്കി.
തങ്ങളുമായി ബന്ധപ്പെട്ടവരുടെ സുരക്ഷയും കരുതലും ഞങ്ങളുടെ ഉത്തരവാദിത്വമാണ്. അതിന് ഫൗണ്ടേഷന് എല്ലാ നടപടികളും സ്വീകരിക്കും.
ഇന്‍സ്റ്റഗ്രാമിലൂടെ ക‍ഴിഞ്ഞ ദിവസമാണ് റിയാസ് കോമുവിനെതിരെ മീ ടു ആരോപണവുമായി ചിത്രകാരിയായ യുവതി രംദത്തുവന്നത്.
കൊച്ചിയില്‍ വിളിച്ചുവരുത്തി റിയാസ് കോമു ലൈംഗികമായി ഉപദ്രവിച്ചെന്നായിരുന്നു ചിത്രകാരിയുടെ ആരോപണം.
മീ ടൂ വെളിപ്പെടുത്തലുകള്‍ക്കായുള്ള ഇന്‍സ്റ്റഗ്രാം പേജിലൂടെയായിരുന്നു ആരോപണം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
